184 — pleno capituli sui accedente consensu: nos considerantes et plenius advertentes, quod eidem ecclesiae Olomucensi non modicus in hoc facto profectus et honor accrescit, quodque dominus Bruno episcopus tam per industriam suam quam — per nostram etiam largitionem Olomucensi ecclesiae — temporibus suis bona plurima conquisivit, tales etiam qui mi- litaria nobis praestent obsequia, pro defensione terrarum no- strarum et ad resistendum adversariis nostris, ut temporis conditio praesentis exposcit, volentes habere mansione sta- bili infra dominii nostri rete, consensum nostrum super infeo- dationibus hujusmodi favorabiliter et liberaliter adhibemus. Et ut praefati milites ac famuli, necnon et heredes sui dictorum feodorum, prout in privilegiis episcopi et capituli Olomucensis, sibi concessis, plenius est expressum, stabili et perpetua gaudeant firmitate, ipsique et eorum posteri, qui in bonis eisdem feodalibus de jure successerint, episcopo qui pro tempore fuerit et ecclesiae Olomucensi obsequiis militaribus perpetuo sint astricti: nos adjicientes celsitudinis nostrae ro- bur, quod per eundem dominum Brunonem episcopum et ca- pitulum suum in hac parte factum est, ratum habentes et firmum, id potestate regia confirmamus, inhibentes districte ac firmiter ex nostrae plenitudine potestatis, ne quis dictam infeodationem pie ac provide factam, praesumat infringere, vel ei aliqualiter contraire. Si quis autem hoc attemptare prae- sumpserit, indignationem regiam se noverit graviter incursurum. Datum Pragae per manum magistri Petri Wissegradensis praepositi, regni nostrii cancellarii. Anno Domini Millesimo ducentesimo LXXIIII. VI. Idus Januarii, Indictione secunda. 65. Privilegium Theutonicorum Pragensium confirmatum. 1274, 26, Nov. Regnante Premyslao Otacaro II. Theutonicorum qui Pragae degebant, numerus novis advenis auctus est, quippe quum rex dictus anno 1257 novam civitatem in suburbio ad ripam sinistram posito condidit, ubi antiqui incolae Bohemi novis colonis cedere coacti sunt (Premysl dominus regni Bohemo- rum tertio anno sui ducatus 1257 in principio veris pepulit Bohemos de sub- urbio et locavit alienigenas. Cosm. Cont.). Castrum Pragense munivit dili- genter et civitatem etiam minorem Pragensem muris et fossatis firmando ad ipsum castrum continuavit (Franc.). Areae monasterii S. Georgii in suburbio Pragensi sitae, cum nova civitas plantaretur, per cives ejusdem civitatis in- debite fuerant occupatac (Dipl. 1262.). Civitas haec primo „nova civitas sub castro Pragensi“ appellabatur (1262—1310), postea demum nomen „minoris civitatis“ increbruit. Ut testa-