244 — Cujus quidem pactionis perscriptio non exstat; attamen post Premy- slai obitum Henricus dux protinus Glacium occupavit. Cui postea pace apud Časlaviam composita ut Glacium quoad viveret teneret, concessum est (v. 71.), Sicut Premyslaus II., etiam ejus in regno successor Wenceslaus II. rex cum Henrico IV. Wratislaviae duce, pactionem confecit, ut Wratislaviae principatus, si Henricus prior de vita migraret, Boemiae regno adjungeretur. Henricus quum liberis careret, mortuus est 23. Junii 1290. Tria quae hic exhibemus literarum publicarum exempla, ad principa- tum Wratislaviae jure feodali a regibus Boemiae obtinendum referuntur. Ne- que tamen subinde Wratislaviensis regio sub potestatem ditionemque Wen- ceslai regis subjuncta est. Literae primae (A) sunt, quibus Rudolphus rex Wratislaviae principa- tum jure beneficiario imperii Romani Wenceslao ejusque heredibus tribuit. Quae quidem in arce Karlstein inter privilegia regni erant depositae, uti patet ex Inventario privilegiorum, ubi legitur: „List Rudolffa krale římského, jimž vyznává, že králi Vacslavovi českému dává na kniežetstvie Vratislav- ské své právo i budúcím kralóm českým.“ Datum MCCXC. Confirmatae autem sunt literis Caroli IV. datis 7. Aprilis 1348. Alterae literae (B), quibus Rudolphus rex pactionem inter Henricum IV. et inter Wenceslaum II. factam sanxit, chronicis Pulkavae continentur atque a Carolo IV. confirmatae sunt literis datis 7. Apr. 1348. Tertiae denique literae (C), quibus Rudolphusrex denuo sanxit ut Wrati- slaviae principatus jure imperii Romani in feodum a rege Wenceslao II. te- neretur, inter privilegia regni asservabantur: „List Rudolffa krále římského, jímž vyznává, že králi Vacsla vovi českému dává všecka manstvie Jindřicha někdy kniežete Vratislavského, se vším jich příslušenstvím MCCXC.“ Quas quidem literas jam Pulkava novit; imperator autem Carolus IV. ratas esse jussit literis datis 7. Apr. 1348. A. 1290. 22. Jul. Rudolphus Dei gratia Romanorum rex semper augustus. Ad universorum sacri Romani Imperii fidelium notitiam cupimus praesenti pagina pervenire: Quod nos attendentes multiformia meritorum insignia, virtutum et fidei praemia pretiosa, quibus illustris Wen- ceslaus rex Boemiae, princeps et filius noster charissimus, erga nos et Romanorum imperium se constituit multiformiter gra- tiosum, omnia feuda nobis et imperio per mortem illustris ducis Wratislaviae vacantia dicto regi Boemiae nec non suis heredibus tenenda, habenda, possidenda titulo feudali duximus conferenda. In cujus rei testimonium praesentes literas conscribi et nostrae Magestatis sigillo jussimus roborari. Datum Erfordiae XI. Kalend. Augusti Anno Domini MCCXC, indictione III., regni vero nostri anno septimo decimo.