— 214 — 74. Sententia Rudolphi regis de exactionibus ab Ottone marchione Brandeburgensi in Boemia vi extortis. 1283, 23. Aug. In colloquio infra Nativitatem Domini et circumcisionem 1281 Pragae celebrato inter Ottonem marchionem Brandeburgensem, tutorem Wenceslai II. et nobiles terrae Boemiae foedus fuit initum sub hac forma, videlicet, quod in festo Apostolorum Philippi et Jacobi ejusdem anni nobiles Boemiae de collecta generali totius terrae deberent dare marchioni XV millia marcarum argenti ponderis Pragensis et marchio reducto ducello Wenceslao in Pragense castrum ad sedem patris sui committat ipsum ad custodiendum episcopo Pragensi et aliis nobilibus terrae. Marchio finito officio tutoris et dudum accepta pecunia XV millium marcarum argenti de collecta generali, adhuc stimulo cupiditatis accensus, exegit a rege Boemorum XX millia marcarum argenti pro absolutione suae tuitionis, detinuitque pro eadem summa pecuniae ratione pignoris munitio- nes firmissimas, vid. Drenov, Dieczin, Ustie, Pontem, Ronow, Bezdiezie cum civitatibus, donec praedictae pecuniae summa solveretur ex integro (Cosm. Cont.) Kralevice z Sas dobychu, vše miesta zálabská i hrady zaň zastavichu (Dalemili Chron.). Wenceslaus II. Ottonem de hac violenta pecuniarum exactione apud Rudolphum regem accusavit, rogans simul ut dijudicaret, utrum ipse prae- stare deberet ea quae Otto ab ipso et a Boemiae regno exigeret. Rudolphi sententia continetur literis, quas hic edimus, quae olim cum aliis regni privilegiis in arce Karlstein depositae erant, teste indice pri- vilegiorum, ubi literae Rudolphi hisce verbis commemorantur: O závazciech přinucených k vězení. List Rudolffa krále římského, kterýž nalézá se vší říší, že ktožby přinucením k čemu přinucen byl, že toho povinen držeti nenié, a druhý v táž slova, a třetí dvou jest. Datum anno MCC (sic). Literae Rudolphi ex libro qui „Privilegia regni“ inscribebatur, a Bal- bino depromptae in Misc. Regni Boem. VIII. leguntur. Rudolphus Dei gratia Romanorum rex semper Augustus. Universis sacri Romani Imperii fidelibus praesentes literas inspecturis gratiam suam et omne bonum. Ad universitatis vestrae notitiam volumus pervenire, quod Nobis judicio praesidentibus in vigilia Bartholomaei apostoli apud Friburgam in Orlandia nuntii illustris regis Wenceslai Bohemiae Nostram celsitudinem acceserunt, cum instantia po- stulantes, ut per sententiam vellemus inquirere, utrum prin- ceps aliquis vel alius cujuscunque conditionis vi vel metu inductus, expers propriae libertatis, fidejussionibus, stipulati- onibus vel quibuscunque aliis obligationibus se posset con- stringere vel arctare, ita quod in posterum super hujusmodi obligationibus extortis posset impeti vel aliquatenus conveniri tamquam efficaciter obligatus. Quod ad instantiam dictorum nuntiorum per sententiam postulavimus definiri, et sententiatum extitit a principibus, co-