17 — Factum id Cosmas in suis Chronicis enarrans, dictam constitutionem Brecislai suo modo adornat. Dux, primatibus astantibus, verbis fatur talibus: Quia me mea fata vocant et atra mors jam prae oculis volat, volo vobis assignare et vestrae fidei commendare, qui post me debeat rempublicam gubernare. Vos scitis, quia nostra principalis genealogia partim sterilitate, partim pereuntibus in immatura aetate, me usque ad imum fuit redacta. Nunc autem, ut ipsi cernitis, sunt mihi a Deo dati quinque nati, inter quos dividere regnum Bohemiae non videtur mihi esse utile, quia omne regnum in se ipsum divisum desolabitur. Quia vero ab origine mundi et ab initio Romani Imperii et usque ad haec tempora fuerit fratrum gratia rara, testantur nobis exempla rata; nam Cayn et Abel, Romulus et Remus, et mei atavi, Boleslaus et sanctus Wenceslaus, si spectes, quid fecerint fratres bini, quid facturi sunt quini? Hos ego quanto potiores ac potenti- ores intueor, tanto mente praesaga pejora augurior. Heu mens semper pavida genitorum de incertis fatis natorum! Unde pro- videndum est, ne post mea fata aliqua inter eos oriatur dis- cordia propter obtinenda regni gubernacula. Qua de re rogo vos per Dominum et obtestor fidei vestrae per sacramentum, quatenus inter meos natos sive nepotes semper major natu summum jus et solium obtineat in principatu, omnesque fra- tres sui sive qui sunt orti herili de tribu, sint sub ejus do- minatu. Credite mihi, nisi monarchos hunc regat ducatum, vobis principibus ad jugulum, populo ad magnum deveniet damnum. Ad hanc referuntur constitutionem, quae Cosmas in aliis locis sui Chronici affert, ut: Justitia erat Bohemorum, ut semper inter principes eorum major natu solio potiretur in principatu (ad a. 1100); Odalricus increpat comites et minatur eis, jactat se esse aetate majorem et secundum patriae morem debitum sibi injuste sublatum per fratrem juniorem poscit principalis sedis honorem (ad a. 1101) ; Volo, ut cognoscat atque sui posteri discant, quod terra Moravia et ejus dominatores semper Bohemorum principis sint sub pote- state, sicut avus noster piae memoriae Braczislaus ordinavit, qui eam primus dominio suo subjugavit (ad a. 1110). 10. Literae Alexandri II. papae de ecclesiae Visse- gradensi erectione Cc. 1070. Vratislaus II. dux (1061—1092) temporibus Alexandri II. papae (1061— 1073) ecclesiam collegiatam in castro Vissegradensi condidit, quae ipsi sedi apostolicae subdita est, ex quo titulo quotannis XII marcae e camera ducis Romam pendebantur Jireček: Codex. 2