257 — (P. de Ludewig Reliquiae manuscriptorum diplomatum, tom. V. pag. 439, e codice Norimbergensi). Albertus Dei gratia dux Austriae et Styriae, dominus Carniolae, Marchiae et Portus Naonis. Tenore praesentium promittimus bona fide, quam cito favente Domino in regem Romanorum eligi nos contingit, statim illustri domino Wenceslao, regi Boemiae, affini nostro, tamquam fratri carissimo, nostras patentes literas, sigillo no- stro regali munitas, dabimus in hac forma: „Albertus Dei gratia Romanorum rex semper augustus. Universis et singulis sacri imperii Romani fidelibus praesentes literas inspecturis, gratiam suam et omne bonum. Habet haec rationis ordo laudabilis et forma justitiae, ut quo magis bene meruisse quis cernitur, eo majoris gratiae sublevetur honoribus et servitiorum oneribus non prematur, quin imo liberalitatis amplioris munere gaudeat, qui majora nosci- tur obsequia praestitisse. Magna itaque ac accepta valde ser- vitia per illustrem Wenceslaum regem Boemiae, ducem Cra- coviae et Sandomeriae, marchionemque Moraviae, carissimum affinem et principem nostrum, ab olim sacro Romano imperio, nobis constanter et graviter exhibita, per quae ipsius imperii nostrumque favorem et gratiam multipliciter meruit, conside- rationis attento studio diligenter attendentes ac volentes eum propterea prosequi liberalius praerogativa nostri favoris et gratiae specialis: (1.) Eundem regem ac successores ipsius ab omni servi- tiorum onere, quocumque censeantur nomine, per eos ratione feudorum, quae nunc tenent seu tenebunt inposterum a nobis et eodem imperio, vel alia quacumque ratione nobis et dicto imperio debitorum, de speciali gratia in perpetuum absolvi- mus et eximimus ac esse volumus liberos et exemtos, nisi quantum ipse de bona voluntate voluerit exhibere. (2). Ordinantes ac statuentes harum serie, ut antedictus rex et heredes ac successores ipsius ad nullam nostram vel successorum nostrorum, regum seu imperatorum Romanorum, expeditionem, convocationem, curiam seu colloquia generaliter vel specialiter indicenda, quaecunque et ubicunque et quocun- que negotio seu causa jussi vel requisiti, personaliter venire vel nuntios aut homines aliquos mittere, aliquatenus te- neantur. (3). Privilegia quoque omnia super donationibus, liberta- tibus et gratiis quibuscunque, praedicto regi et progenitori- bus ejus a divae memoriae Romanorum imperatoribus seu regibus, praedecessoribus nostris, data seu concessa sub qua- cumque forma vel conceptione verborum, rata et grata habe- Jireček: Codex. I. 17