173 — universos intentionis suae extendere soleat incrementa, tamen eo ampliori sinceritate inter eos eandem decet esse radicatam, quos multiplicis attinentiae unio copulat et connectit. Proinde noverint universi, quod post longa guerrarum discri- mina, quae inter dominum Stephanum regem Ungariae illu- strem, Dalmatiae, Croatiae, Ramae, Serviae, Galiciae, Lodome- riae, Cumaniae et Bulgariae, ducem totius Sclavoniae, caris- simum cognatum nostrum, ex una parte, et Nos ex altera sus- citata fuerant, suggerente humani generis inimico, cum nos pro votivae pacis puritate reformanda dilectos fideles nostros, D. Brunonem venerabilem episcopum Olomucensem, fratrem Hart- pernum ministrum ordinis fratrum Minorum per Austriam, Hartlibum camerarium, Bohuschonem marschalcum, Nezami- slonem pincernam Moraviae, barones regni nostri, misissemus, dato eisdem pleno, sufficienti et legali mandato, ut conveni- entes cum praelatis et baronibus regni Ungariae, D. Paulo venerabili episcopo Vesprimiensi, Egidio summo camerario, Rolando bano et M. Benedicto praeposito Oradiensi vicecan- cellario, a praedicto rege Ungariae similiter cum pleno mandato destinatis tractare, ordinare et diffinire possent omnia ad re- formationem pacis facientia, quae nos ipsi, si praesentialiter cum ipso rege Ungariae convenissemus, ordinare et diffinire possemus, pro nostri quiete animi et nostrorum tranquillitate subjectorum: Iidem barones nostri, considentes cum praedictis baroni- bus regni Ungariae, ordinaverunt et assumpserunt juxta man- dati traditi sibi formam: I. Ut de cetero perpetua pax inter regem Ungariae ac nos debeat observari; nec eidem regi vel suis turbationes vel mo- lestias inferemus, vel inferri per nostros pateremur. Includentes eisdem paci et eadem vallentes regnum nostrum Boemiae, terrasque nostras Austriam, Styriam, Carinthiam, Moraviam, Carniolam, Marchiam, Egram et Por- tum Naonis cum omnibus attinentis eorundem, secundum signa, distinctiones et metas antiquas prout etiam progenitores nostri reges Boemiae et marchiones Moraviae, nec non antecessores nostri, duces Austriae, Styriae et Carinthiae, domini Carni olae, Marchiae, Egrae ac Portus Naonis usque tempus vitae D. Belae inclytae recordationis patris dicti D. Stephani regis Ungariae possederunt ac tenuerunt. Verum si termini hinc inde fuissent avulsi vel mutati, venerabiles patres D. archiepiscopus Strigoniensis et episcopus