168 — 61. Jus Hlubčicense. 1270, 28. Aug. Moraviac fines septemtrionem sive Polonos Silesiacos versus usque ad alveum fluminis Pština (Zinna) pertinuerunt, ubi ad ipsum confinium in pro- vincia Golasicensi juxta viam quae ab Oppavia ad castrum Glogoviam su- periorem fert, a. 1183 coloniam Glubčicie fuisse constat. A. 1224 theloneum in Glubčicie (in Lupechiz) commemoratur. Illis temporibus Glubčicii civitatem esse constitutam testatur antiquum privilegium, cujus in hisce literis mentio fit. Antiquum illud privilegium dum- taxat prima novem capita quae in hisce literis leguntur, continebat; re- liqua a rege Premyslao Otacaro II. addita esse videntur. Glubčicie vel Hlubčice facta est oppidum soli regi subjectum, cujus in- colae majori ex parte Theutonici erant. Jus Hlubčicense existimatores docti praecipuum fontem municipalis juris germanici esse autumant. Archetypum repositum est in tabulario civitatis Hlubčicensis (Leob- schitz); typis exscriptum est in Tschoppe und Stenzel Urkunden p. 371. (Boczek Cod. dipl. Mor. IV. 43.) Otakarus dei gratia rex Boemiae, dux Austriae, Styriae, Karinthiae, marchio Moraviae, dominus Carniolae, Marchiae, Egrae ac Portus-Naonis, omnibus in perpetuum. Regalis excellentiae majestatem petitiones fidelium con- gruas et honestas audire benigne decet et eas auditas beni- gnius exaudire; sic enim aequitas exsolvit debitum, sic fideles in fide corroborat, sic alios ad sibi serviendum allicit et inducit. Praesentis igitur tenore privilegii noscat tam praesens aetas quam successura posteritas aliorum, quod nos, justis supplicationibus universorum civium in Lubsiz, fidelium no- strorum, de consueta mansuetudinae annuentes, antiquatum quoddam ipsorum privilegium et jam prae senio maceratum eis a nostris concessum praedecessoribus, renovari fecimus et ipsum de speciali gratia duximus confirmandum. Erat autem ipsius antiqui privilegii continentia talis: 1. Inprimis statutum est ipsis civibus, ut de quolibet manso ipsius civitatis solvere teneantur dimidium fertonem argenti. 2. Item quod de quatuor granibus frumenti, tritico scili- cet, siligine, avena et ordeo decimam in ipsis agris nobis sol- vere teneantur. 3. Item quilibet mansus debet apud eos habere triginta sex jugera. 4. Item de qualibet curia sex denarios in festo Sti. Mar- tini nobis dicti cives quolibet anno solvent vel poenam quin- que solidorum luet, quicunque non dederit ipso die.