264 — 101. Novae monetae per Wenceslaum II. institutio. 1300. A primaeva terrae Bohemicalis origine usus confusus fuit in numis- mate, qui adhuc temporibus Petri abbatis Aulae Regiae, harum rerum rela- toris (Chron. Aulae Regiae) in plerisque regionibus solebat esse; quibuslibet quippe annis in urbibus et civitatibus Bohemiae singulis transfigurabat for- mam denarii moneta, semel aut bis, ita ut qui heri et nudius tertius fuerat saepe denarius bonus et datilis, post breve dierum spatium esse desineret usualis (Cf. locationes monetae, n. 58, 76, 77). Quam damnosa et exosa haec frequens monetae variatio toti regno fuerit, facile perpend potest. Raro tunc denarius nominabatur, sed rerum quarumlibet forensis commutatio per marcam, fertonem, lothonem, sextinum aut quentinum communiter habebatur; haud dubium, quin multociens per haec pondera facta fuerit pluribus et maxime simplicibus aut pauperibus in- juria satis magna. Quibus malis Wenceslaus II. ut commune bonum per amplius dilata- ret, occurrere sagaciter cogitabat; ipse enim multorum praecavere cupiens periculo, disposuit, ut populus in uno sibi communicet numismate mutuo, qui in uno rege participant et regno. Mittit itaque Florentiam, virosque industriosos, Reinhardum scilicet, Alphardum et Tynonem Lombardum, ad- vocat, qui in talibus negotiis tantam habebant experientiam, quod utiliter dirigere poterant rem tam magnam. Qui cum advenerant, in celeberrima tunc civitate montana, Chutna, novum numisma argenteum cudere coepe- runt (A. D. 1300 mense Julii sex experti viri ad vocationem D. Wenceslai regis veniunt de Florentia et in montibus Chutnis ad mandatum regis novas cudunt monetas, grossos Pragenses videlicet et parvulos, quorum XII gros- sum solvebant. Pulk. Chron.) Exstat adhuc hodiedum domus perantiqua, ubi ab illis Italis moneta cudebatur, vocaturque „Curia Italica.“ (Rozkázal král Vácslav léta Páně 1300 některakým Vlachuom groše najprvé u Hory dělati a kovati, od nichž i podnes slove u Hory Vlaský dvuor. Msc. saec. XVI.). Anno igitur 1300 mense Julio moneta grossorum Pragensium et parvorum, quorum XII grosso aequivalebant, instituta est. Dictos socios de Florentia, novae monetae fabricatores, rex Wenceslaus, continuam obsequiorum prom- ptitudinem, quam illi in ejus servitiis exercuerunt, diligentius attendens, literis Pragae IV. Kal. Maji 1301 datis, domo regia in civitate Brunensi nec non duobus molendinis ante dictam civitatem sitis, de gratia speciali donavit (Boč. Dipl. Mor. V. 122.). Reynherius a. 1304 nominatur „civis Brunensis et mercator florenti- nus,“ qui molendinum in flumine Swarczavia situm cum villa Dorneho dicta ipsi molendino adjacente, pro 140 marcarum Brunensis ponderis et argenti ab Heynnigo civi Brunense per emptionem comparavit (Ib. 164.). Anno proxime subsequente Reinherus appellatur „capitaneus Cracoviae, Appardus de Nigromonte „camerarius regni Boemiae,“ qui ambo, una cum tertio socio suo Cynone de Florentia, omnem hereditatem suam ante Bru- nam Joanni carnifici civi Brunensi pro 340 marcis grossorum Pragensium Moravicalis ponderis hereditarie possidendam vendiderunt (Ib. 169 et 174).