153 Petri et Pauli, apostolorum eius, auctoritate confisi et illa, quam nobis deus, licet indignis, ligandi atque solvendi contulit potestatem, eisdem fidelibus, qui cum dicta armata vel alias in succursum et subsidium Christianorum parcium Romanie predictarum contra infideles eosdem in personis propriis et expensis sive per terram sive per mare infra dictum triennium ab eodem festo Omnium Sanctorum inantea computandum 2) profecti fuerint et per unum annum con- tinue vel interpolatim, eiusdem tamen triennii, in dicti prosecucione negocii fuerint commorati, necnon et illis, qui in dicti prosecucione negocii decesserint vel in prosecucione huiusmodi vulnerati fuerint, eciam si alibi ubicunque ex talibus vulneribus decedere eos contingat, illam suorum peccaminum, de quibus veraciter fuerint corde contriti et ore confessi, veniam indulgemus, que conceditur transfretantibus in subsidium Terre Sancte, et in retribucionem iustorum salutis eterne pollicemur augmentum; eis autem, qui non in personis propriis illuc ac- cesserint, sed in suis dumtaxat expensis iuxta facultatem et qualitatem suam bellatores idoneos destinabunt per tempus, quod supradicitur, in huiusmodi pro- secucione negocii moraturos, et illis similiter, qui, licet in alienis expensis, in propriis tamen personis illuc accesserint per tempus moraturi predictum, ac eis eciam, qui tantum pro dicto negocio de bonis propriis erogaverint, quantum essent illuc eundo et inibi per annum continuum morando et redeundo eciam expensuri, eandem suorum concedimus veniam peccatorum; huiusmodi quoque remissionis volumus et concedimus esse participes iuxta quantitatem subsidii et devocionis affectum omnes, qui ad subvencionem dicti negocii de bonis suis congrue mini- strabunt et circa predicta auxilium vel consilium impenderint oportunum. Ceterum, ut huiusmodi negocium fidei felicius prosperetur, volumus, ut in singulis ecclesiis vestrarum civitatum et diocesium singuli trunci concavi ponantur tribus clavibus consignati : prima videlicet earundem penes loci ordinarium, secunda penes ecclesie sacerdotem, et si in collegiatis ecclesiis fuerint, penes maiorem de capitulo, tercia vero penes aliquem probate vite laicum conservandis, ac in eis fideles quilibet, iuxta quod dominus eorum mentibus inspiraverit, suas elemosinas deponere in remissionem suorum peccaminum moneantur, volentes, ut illam pecuniam, quam per fideles eosdem offerri et poni contigerit in truncis eisdem, recipiatis eroga- turi eam pro dicto negocio illi vel illis, quem vel quos ad hoc deputandum du- xerimus seu eciam deputandos, ac certificaturi nos per litteras vestras de receptis in truncis eisdem et hiis, que deputando vel deputandis predictis duxeritis assig- nanda. Porro quia presentes littere nequirent forsan propter viarum discrimina vel alia impedimenta legitima vestrum singulis commode presentari, volumus, quod per te, frater archiepiscope, dictarum litterarum transumptum manu publica scriptum tuoque communitum sigillo vobis, fratres suffraganei, transmittatur, cui adhiberi per vos volumus velut originalibus plenam fidem. D. apud Villamnouam, A. d., II kal. Octobris a. secundo. — . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . XXXVI. In e. m. .. archiepiscopo Pragensi eiusque suffraganeis. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . Clementis VI V. 157 f. 7—7' n. 25 et 36, de curia. — a) ,hanelantes‘ V. b) ,suis‘ V. c) [et subiciunt — ven] stat in rasura. — 1) 1343 Novembris 1. 2) 1343 Novembris 1 — 1346 Novembris 1.