583 1042. Předvogio Čadkonis, canonico Pragensi, providetur de praebenda, quae in eadem ecclesia per mortem Geraldi de Magnaco, electi Tridentini, sedis apostolicae capellani, qui nuper extra Romanam curiam obiit, vacat, non obstante ut in n. 1041, hac tamen conditione, ut litterae, per quas canonicatum sub expectatione prae- bendae in illa Pragensi ecclesia obtinet, et processus habiti per easdem et alia inde secuta, postquam vigore praesentium illam praebendam pacifice fuerit asse- cutus, extunc quoad aliam praebendam inibi obtinendam sint cassa et irrita et nullius firmitatis, quoad alia vero in suo robore permaneant. ,D. Auinione XII kal. Januarii a. septimo.' — In e. m. abbati monasterii Strahoviensis et decano Vys- segradensis, Pragensis diocesis, ac sacristae Avinionensis ecclesiarum. Forma ut in n. 4. Avinione, 1348 Decembris 21. X X. Clementis VI A. VII/5 (103) f. 393, de beneficiis vacantibus qu. 34 = V. 185 f. 299 n. 630 bis. In rubricis V. 185 omissum! 1043. Nicolaus de Brunna supplicat, ut Conrado Wuffonis de Brunna de deca- natu in ecclesia Olomucensi vacante, Jacobo Goblini de Brunna de praepositura in ecclesia Misnensi vacante et Ottoni Francisci de canonicatu ecclesiae Vrati- slaviensis sub expectatione praebendae provideatur, item quatenus Petro Plasserii, canonico Vyssegradensi, indulgentia de non residendo et fructibus percipiendis concedatur. 1) Avinione, 1348 Decembris 25. Supplicat S. V. humilis orator vester Nicolaus de Brunna, prepositus ecclesie Pragensis, domini Romanorum regis cancellarius, quatenus sibi in personas infra- scriptorum consanguineorum et familiarium suorum specialem graciam facientes : Conrado Wyffonis de Brunna, canonico ecclesie Olomucensis, de decanatu eiusdem ecclesie, vacante apud sedem apostolicam per liberam resignacionem ipsius Nicholay, in manibus S. V. sponte factam, dignemini providere, non obstante, quod idem Conradus in dicta ecclesia canonicatum et prebendam ac archipresby- teratum ecclesie de Liczan, Tridentine diocesis, quem paratus est dimittere, cum eiusdem decanatus possessionem pacificam adeptus fuerit, obtinet, et quod bene- ficium ecclesiasticum cum cura vel sine cura, eciam si dignitas, personatus vel officium existat, spectans communiter vel divisim ad collacionem, provisionem seu quamvis aliam disposicionem episcopi, prepositi, decani et capituli Olomucensis, noscitur expectare, cum aliis non obstantibus et clausulis oportunis et execu- toribus. Fiat R. 2) Item Jacobo Goblini de Brunna de prepositura ecclesie Misnensis, per liberam resignacionem ipsius Nicolai similiter vacante apud apostolicam sedem, dignemini providere, non obstante, quod in ecclesia sancti Petri in Brunna, Olo- mucensis diocesis, canonicatum obtinet et prebendam, seu quod patitur in etate defectum, cum in vigesimo secundo etatis sue anno vel circiter constitutus existat, super quo dignemini misericorditer dispensare, cum omnibus clausulis et non ob- stantibus sicut supra.