78 Acta Innocentii VI. 183. Johanni Paduano mandatur, quatenus negotium decimae apud regem Ro- manorum procuret et pecuniam ad cameram apostolicam pertinentem abbati mo- nasterii s. Nicolai in Litore de Venetiis mittat. Avinione, 1354 Januarii 20. D. f. Johanni Paduano decano ecclesie Wiscegradensis Pragensis dioc. apostolice sedis nuncio salutem etc. Noveris, quod carissimo in Christo f. nostro Karolo regi Romanorum illustri scribimus per alias literas nostras, quarum co- piam mittimus tibi presentibus interclusas et quas unacum istis .. lator presen- cium tibi defert. Ideoque discrecioni tue per apostolica scripta mandamus, qua- tenus eidem regi huiusmodi literas nostras, quas, ut premittitur, ei dirigimus, ex parte nostra presentans s), cum omnis diligencie studio exaudicionem promoveas earumdem et tam eam, quam inde b) recipere te continget, quam omnem aliam pecuniam ad nostram cameram pertinentem, collectam iam per te et colligendam in antea, sublato cuiuslibet more dispendio d. f. Raymundo abbati monasterii s. Ni- colai in Litore de Veneciis ordinis s. Benedicti Castellanensis dioc., apostolice sedis nuncio, per mercatores, qui de Boemia frequenter dicuntur ire Venecias, fideliter destinare procures c) et sic te geras in hac parte solicite, quod desi- diam et negligenciam d) redimas, quam molestam nobis utique in huiusmodi mis- sione dilata pecunie commisisti, nec oporteat super hoc remedium aliud adhibere. Nos enim eidem abbati absolvendi et quitandi te de hiis, que sibi assignanda duxeris, plenam concedimus e) per alias nostras literas f) potestatem. Ceterum volumus, ut de hiis, que in premissis quomodolibet egeris et que dicto abbati assignaveris successive, particulariter et distincte reddas eandem cameram cer- tiorem 8). D. Auinione XIII kal. Februarii a. secundo. R. Vat. 236 fol. 14, R. Vat. 244 B (Archet.) nr. 88. — Sequentes lectionis varietates ad Archet. solum pertinent: a) Sequitur: ,procures, sed cancellatum est. b) ,inde‘ supra lineam" adscriptum, cui : ,inde recipere ab eodem rege‘ praecedit, sed cancellatum est. c) Supra lineam : ,adhibitis de securitate‘ adscriptum, sed cancellatum est. d) Sequitur: ,omnem preteritam', sed cancellatum est. e) Sequitur: ,tenore presencium', sed cancellatum est. f) Sequitur: ,facultatem', sed cancellatum est. g) ,Cet. vol. ut' supra lineam adscriptum vice: ,certificaturus cameram ipsam', quod cancellatum est. — In tergo minutae: ,Rj. 184. Raymundo abbati monasterii s. Nicolai in Litore de Venetiis potestas qui- tandi Johannem Paduanum de pecuniis assignatis conceditur. Avinione, 1354 Januarii 20. Eidem abbati. Cum d. f. Johanni Paduano decano ecclesie Wiscegradensis Pragensis dioc., apostolice sedis nuncio, demus per alias nostras litteras in mandatis, ut omnem pecuniam ad cameram nostram pertinentem, collectam et colligendam per eum, tibi fideliter destinare procuret, discrecioni tue absolvendi et quitandi eum de hiis, que tibi assignanda duxerit, plenam concedimus tenore presencium po- testatem. Tu ergo certifices sine dilacione cameram ipsam de hiis, que a Jo- hanne memorato receperis successive. D. [Auinione XIII kal. Februarii a secundo.] a)