3 Ad vicarium quoque decani, qui officium sacristiae gerit, spectat majorum ecclesiae rerum custodia, quem de rebus sibi commendatis in decani, vicarii praepositi seu plebani ac unius canonici praesentia per manum publicam inventarium facere volumus, quod una cum inventario campanarii prope sigillum capituli reservari mandamus. Verum cum conservatio [cerae] in ecclesia S. Egidii, quae a Christi fidelibus offertur, discretioni comitatur ejusdem, [volumus] ut de luminaribus eidem provideat opportunis et residuam in communibus utilitatibus, scilicet reparatione librorum, campanarum et scolae ac aliorum utensilium ecclesiae impendant utiliter; volumus [etiam], quod annis singulis vicarius ipse de residuo cerae [quod] ltra impensas praedi- ctorum supererit, ac etiam universis rebus ecclesiae suae custodiae commendatis coram do- mino decano, plebano et uno ex canonicis supradictis rationem facere teneatur, in qua si defe- cerit, per decanum ipsum habito praedictorum dominorum consilio pena debita castigetur. Positis in ordine singulis ministris ecclesiae et cuique suo officio specialiter deputato perstringere convenit subsequenter, quo[modo], per quos et quando in ea divinum officium ad ho- norem Dei, matris ejus gloriosae, beati Egidii confessoris et tocius Sanctorum cohortis, cum ea, qua decet reverentia, expleatur. Statuimus, ut semel saltem infra ebdomadam praelatorum et canonicorum quilibet ecclesiae S. Egidii impedimento cessante, in quo cuiuslibet conscientiam oneramus, in ipso missae intersit officio, quam nullus praedictorum seu ceterorum ministrorum 50 ipsius ecclesiae sine superpelicio infra divinum officium intrare audeat, alias qui contrarium fecerit, pro vice qualibet praelatus aut canonicus in uno grosso, minister vero vel clericus in quatuor parvis denariis currentis monetae per decanum ecclesiae pauperibus clericis appli- candis condempnetur. Statuentes, ut tam nocturnum quam diurnum divinum officium in ea horis competentibus per ipsius ministros et clericos, vicariis videlicet praepositi et decani ac ceteris ministris ordinate suas septimanas tenentibus, debite decantentur, et quod regula cum commemoratione beneficiorum ipsius ecclesiae legatur in ea diebus, quibus in nostra Pragensi ecclesia legi consuevit. Cum autem decanus vel praepositus in majoribus festivitatibus eccle- siae, prout convenit in ea, ad missam sub nota se voluerit praeparare, mandamus, quatenus duo ex canonicis ad requisitionem decani, unus dyaconus, alter subdiaconus, sine contradictione qualibet concelebraturi eidem induant apparatum; dominicis vero et aliis minoribus festivis diebus sub nota missam presbitero celebranti, per duos ministros seu clericos in apparatu praedicto volumus deservire. Ad haec, ut hii, qui majorem in ipsa ecclesia locum tenent et ab eadem amplioribus sunt dotati stipendiis, eidem possint fructuosius famulari, diffinimus, ut praepositus et decanus, qui forent pro tempore, si promotionis suae tempore presbyteri non sint, infra annum a tempore suarum praelaturarum possessionis adeptae se faciant in presbiteros ordinari, quo lapso si legitima causa cessante promoti non fuerint, eos a fruc- tibus et proventibus praelaturarum suarum volumus eo ipso et tam diu fore suspensos, donec mora purgata in presbiteratus fuerint ordine constituti. Providemus insuper, ut processiones, quae fiunt in diebus rogationum seu ex aliis causis legitimis, per superpeliciatos fiant clericos, nisi fierent cum sincere ad ecclesiam depor- tando, quo casu consuetudinem aliarum ecclesiarum civitatis Pragensis volumus conservari. Cum autem retroactis temporibus [per] praelatos et canonicos ecclesiae S. Egidii eidem perraro fuerit deservitum, diffinimus sanctiendo, quod canonici praebendati cum singuli singulos propter tenuitatem praebendarum non sufficiant tenere vicarios, de duobus vicariis, utputa diacono et 1*