344 Quibus receptis ad statim miserunt pro magistro Johanne de Ragusio et ostenderunt ei dictas litteras, persuadentes quod domini ipsorum non fecerant aliquid contra conclusa iam per ipsos cum sacro concilio, quia conclusa in Constantinopoli exigunt adhuc consensum concilii. Quare in potestate concilii erit et est, vel primam viam vel secundam pro- sequi. Etenim imperator summe desiderat, quod concilium in Constan- tinopoli celebretur. Et hoc a principio cum summa instancia a sacro concilio petivimus. Si ergo papa promisit sibi sic facere ut desiderat et cum consensu concilii, in nullo videtur contravenisse iam conclusis. Predicta statim nuncciavit magister Johannes domino legato et post- modum dominis deputatis, qui XVII. mensis februarii in conventu Augusti- nensi congregati vocaverunt dictos ambasiatores et per organum reveren- dissimi domini legati exposuerunt eis ea et prout in instrumento notariorum concilii continetur, cuius tenor de verbo ad verbum-sequitur et est talis : Die iovis XVII. mensis februarii MCCCCXXXV Basilee in conventu Augustinensi, videlicet in stupha sacre deputacionis pacis, coram reverendissi- mis in Christo patribus dominis cardinalibus legato, de Cipro et Arelatensi, necnon Johanne archiepiscopo Tarentino, Petro episcopo Paduano sanctissimi domini nostri pape presidentibus, Johanne Anthioceno, Ludwico Aquile- gensi patriarchis, Lugdunensi Turonensi Cretensi archiepiscopis, Lubu- censi Aurelianensi Ruthenensi Aquensi Dignensi Albinganensi episcopis etc., dominis ambasiatoribus serenissimi domini imperatoris Romeorum ac reverendissimi domini patriarche Constantinopolitani presentibus, reve- rendissimus dominus cardinalis legatus dirigens verba sua eisdem dominis ambasiatoribus dixit articulatim ea vel in effectu similia, que secuntur, quequidem verba frater Nicolaus de Cipro minister Terre Sancte ordinis Minorum eciam articulatim in greco eisdem ambasiatoribus exposuit, vi- delicet: Quod prefati domini ambasiatores Grecorum sciebanta), propter quam causam sacrum concilium misit ambasiatores suos ad dominos im- peratorem et patriarcham Grecorum Constantinopolim, et qualiter ipsi domini ambasiatores venerunt ad sacrum concilium, et tractatum habitum inter sacrum concilium et ipsos, et qualiter domini imperator Grecorum et patriarcha Constantinopolitanus eosdem destinaverintb) ambasiatores suos ad hoc sacrum concilium cum ambasiatoribus ipsius sacri concilii. Item qua- liter, dictis ambasiatoribus dictorum imperatoris et patriarche hic in presenti civitate Basiliensi applicatis, sacrum concilium aliquos dominos tam pre- latos quam doctores et magistros ex ipso sacro concilio deputavit, qui prefatos ambasiatores audirent et eorum facultatem et mandatum vide- rent, priusquam in generali congregacione atque publice audirentur. a) scribant B. b) destinaverit B.