390 fuerit, auxilium brachii secularis invocandi plenam et liberam tenore presencium concedimus potestatem, ratum et gratum habituri quicquid per te super premissis ordinatum statutum deliberatum atque decretum fuerit et conclusum, idque servabimus et faciemus auctore Domino invio- labiliter observari; non obstantibus constitucionibus et ordinacionibus apostolicis et aliis in contrarium facientibus quibuscunque, de quibus eciam expressa ac specifica mencio foret habenda. Sequitur forma bulle de indulgenciis. Eugenius etc. Fiat prohemium competens pro indulgenciis, postea subdatur: Cum sacrum generale Ba- siliense concilium pro reductione orientalis ecclesie ad orthodoxam ecclesie Romane fidem et unitatem [laboret], qua de causa [cum] oratoribus caris- simi filii Johannis Paleologi imperatoris Romeorum ac venerabilis fratris Joseph patriarche Constantinopolitani inierat convenciones ipsisque Grecis usque ad numerum septingentarum personarum impensas ad terras Latino- rum veniendo standoque recedendo ac pro tuicione tempore intermedio civi- tatis Constantinopolitane spoponderit, nostro ad hoc accedente consensu, et ad huiusmodi perficiendam impensam, que maximam excedit pecunia- rum summam, pia fidelium christianorum largicio necessaria videatur: nos, qui super omnia hanc sanctam reductionem intensis desideriis affec- tamus, ad quam utique et ante nostrum apostolatum et post continue non parvam impendimus diligenciam, ut eo libencius ad huiusmodi piam erogacionem per spiritualia dona devoti homines excitentur, de omnipotentis Dei misericordia et beatorum apostolorum Petri et Pauli auctoritate con- fisi et ex illa quam nobis licet indignis contulit Deus ligandi et solvendi potestate, omnibus qui ad hoc sanctum opus contribucionem seu subsidium iuxta modum per ipsum Basiliense concilium ordinandum fecerint, illam plenariam concedimus indulgenciam, que accedentibus in Terre Sancte subsidium dari consuevit, omnium similium indulgenciarum execucionem per annum a data presencium, illis exceptis que pro defensione fidei catholice adversusa) quoscunque infideles seu hereticos concesse sunt, suspendentes. Si vult ponere, quod iste indulgencie durent per annum, fiat ut placet domino nostro. Tercio videtur michi, quod sanctitas vestra dignetur mittere pro domino regente cancellariam ac pro dominis auditoribus, et mandet pu- blice ipsi domino regenti, quod deinceps nullam causam committat contra supposita sacri concilii Basiliensis vel contra sentencias latas in eodem, et ipsis auditoribus, quod super causis huiusmodi hactenus commissis vel in futurum committendis non cognoscant nec procedant. Quarto quod sanctitas vestra dignetur disponere se ad expectandum electiones de ecclesiis cathedralibus et dignitatibus electivis, et si sunt cano- a) ad usus MCV.