358 in facto fidei, fuit denegatum non ob aliam causam, nisi propter defectum, qui posset in huiusmodi legatis contingere in periculum fidei, quibus nichilominus per sanctam synodum dietim potuisset subveniri [consiliis oportunis. Ergo multo magis denegandum est mittere legatos cum tali potestate ad remotas partes, quibus nec consiliis nec aliter subveniri potest, ut periculum, quod in fide contingere potest, evitetur. Predictis igitur racionibus et aliis plurimis hec pars mota dicebat, quod secunda via est amplectenda cum restriccione tamen potestatis legati et suorum, ut dicatur, quod „quicquid etc. salva fide". Quo ad tercium, scilicet quod concilium Basiliense perseveret, dicebant quod hoc erat omnino necessarium, quia quicquid concluderetur ibidem, adhuc non haberet firmitatem, nisi per synodum videretur et iudicaretur, si salva fide conclusum sit. Multa enim possent concludi per legatum, que viderentur eidem conclusa salva fide et similiter pape et sue curie, que tamen non essent. Unde necessarium est, aut quod synodus perseveret, aut reverso legato de Constantinopoli denuo synodus congregetur, quod valde esset difficile. Oportet ergo quod perseveret, precipue cum adhuc multa restent agenda ex hiis, propter que congre- gata est. Quibus in effectu finitis, quasi omnes deputati secuti fuissent hanc terciam viam, sed adstatim dictum fuit per aliquos, quod Greci nullo- modo has condiciones acceptarent; et deliberatum fuit, quod ambasiatores iterum accersirentur et interrogarentur de condicionibus predictis; et sic factum est et omnino rennuerunt. Illis igitur recedentibus, deputati paucis exceptis in hanc sentenciam convenerunt, ut Grecis offerretur utraque via, concilii videlicet, ut conclusa erat, vel pape cum dictis con- dicionibus, et ex ipsis quameunque vellent eligerent. Et hec conclusio delata fuit ad concilium et concilium ipsam obtulit ambasiatoribus, et in effectu preelegerunt primam viam concilii et eam in congregacione gene- rali simpliciter acceptaverunt, prout patet ex subsequenti instrumento notariorum, cuius tenor sequitur in forma. Die sabbati decimaquinta mensis mai anno Domini MCCCCXXXV in ecclesia Basiliensi reverendissimis reverendisque patribus dominis Juliano tituli S. Sabine presbitero in Germania apostolice sedis legato sacro- sancti generalis concilii Basiliensis presidente, Hugone episcopo Pene- strino de Cipro, Ludowico tituli S. Cecilie Arelatensi et Prospero S. Georgii ad velum aureum dyacono de Columpna vulgariter nunccu- patis S. Romane ecclesie cardinalibus, Johanne Anthioceno et Ludwico Aquilegensi patriarchis, Amedeo Lugdunensi, Heinrico Bituricensi, Phillipo Turonensi, Philippo Auxitano archiepiscopis, Johanne Lubicensi, Bertrando a) a) Berando B.