329 optavimus. Que res effecit, ut nusquam recusaremus concilium, sed mentis nostre esset, id eo loco celebrari, quo ista nedum conservari, sed in melius augeri possent. Sed quoniam plurimis aliter visum est, cessi- mus et manum retraximus, ymmo et, quemadmodum petitum est, assen- sum dedimus. Ex quibus liquet, neminem nostrum, etsi in modo cele- brandi ipsum sacrum concilium, in re ipsa tamen non fuisse discordem. Propterea letamur magis et hiis omnibus congaudemus, qui et paci et saluti reipublice christiane affecti sunt. Congaudemus et tibi, quem pro tua virtute eciam dum uterque nostrum esset in minoribus sic dileximus, ut nesciamus, quem pretule- rimus caritati tue. Speramus enim, ut ex hac nostra unitate ipsa anti- qua caritas et persistat et auctior reddatur, tuque pro honore Dei et bono universalis ecclesie in dies amplius valeas. Superest igitur, ut ad ea, que ad generalem reformacionem ecclesie et pacem populi christiani pertineant, libero animo invigiles et pro vi- rili tuo labores, signanter ad extirpacionem dampnate heresis Bohemo- rum, ad quam te affectum esse novimus, ut nichil tibi pro ea re satis durum fore existimemus. Et nos plurimum commendamus oblaciones tuas, ea caritate qua offers et nos recipimus, nos eciam dilectioni tue vices rependimus. Congaudemus eciam venerabilibus fratribus nostris S. Romane ecclesie cardinalibus, qui in sacro concilio sunt, dum scribas, eos ad bonum statum nostrum inclinatissimos esse. Nam ex hoc conspi- cimus ipsorum mentem et debitum affectum ad honorem et statum ipsius apostolice sedis, que eciam ipsorum omnium gloria est in Christo et co- rona. Ipsos eciam commendatos suscipimus eosque intendimus observare ut fratres ac in benedictionibus dulcedinis sibi et omnibus de sacro con- cilio precipua caritate constringi. Quecunque eciam ad generalem et bonam reformacionem ecclesie in sacro concilio fieri contingent, et ser- vare et exequi parati sumus. Quo autem ad computum pecuniarum quas recepisti, et tu plane nosti, hoc specialis commissionis esse aliquorum ex fratribus nostris S. Ro- mane ecclesie cardinalibus. Cum hiis, quam primum ipsi vel eorum ali- qui, quod in brevi futurum est, apud nos erunt, curabimus rem gratam tibi facere pro subsidio eciam ad futurum; quo ad futurum pro viribus nostris bonam operam dabimus. In reliquis eciam, que ad honorem et commodum tuum esse conspiciemus, cum primum oportunitas se offeret, te habebimus commendatum. De tuis eciam erimus non immemores. Datum etc. Concilium Basiliense I. 42