256 multa in hoc sacro concilio contigerunt, que quamvis prolixum sermonem requirant, congruum tamen existimavi aliquantisper aperire, ut pro posse vestram paternitatem reverendissimam non lateant ardua, que hiis diebus frequenter occurrunt. Et quamvis scribere gestus personarum in rebus actis et agendis rerum noticiam vobis multum aperiret, quia tamen im- possibile aut saltim difficile, res et facta quam plurimum gravia hiis interseri proposui, rogans ut, si non plica solita papiri scribam, non egre feratis. Sic enim casualiter accidit, ut ex armario hoc folium extrahens plicatum hoc modo invenerim. Ad rem accedo valde difficilem et auditu satis mirabilem. Dominica ultimo fluens, que XI. huius octobris diem faciebat, im- perator hanc urbem insperate intravit hora prima post meridiem, fluvio navigans Reni; qui Basiliam applicatus, recta via maiorem basilicam S. Marie tandens, totum concilium in unum in instanti congregavit. Hoc diligenter egit, explicans velocitatem sui itineris, quoniam die illa advesperacente terminus suspensionis domini nostri pape administra- cionis tam in spiritualibus quam temporalibus expirabat; quodque a) magna cum instancia supplicavit ore proprio manibus iunctis et suo latino or- nato satis, quod predictus terminus usque ad octavam diem dumtaxat prorogaretur, quo pendente termino una cum ambassiatoribus dominorum Venetorum talia nova proferret et in medium produceret, quod merito et Deus et totum concilium contentari deberet. Votis quorumlibet sacri concilii suppositorum exquisitis, cum maxima difficultate predictum ter- minum obtinuit, et sic finivit dies illa. Lune in crastino cardinales omnes dominum imperatorem visitarunt, domino legato exepto a) propter egritudinem suam, quamvis ab ea, laus Deo, liberatus esset, sed marinatum b) more aerem fugiens domi stabat. Visitarunt eadem die insuper dominum cesarem ambassiatores dominorum ducum Burgundie et Sabaudie magna cum comitiva. Adhuc die eadem dominus imperator in propria visitavit dominum legatum. In crastinum vero, que fuit martis XIII. octobris, fuit generalis congregacio celebrata valde sollempnis in maiori ecclesia, et erant ibi presentes dominus imperator supra cathedram pannis deornatam alte erectus, ad dexteram vero eius sedebant domini legatus cardinalis, dominus Placentinus cardinalis, dominus Rothomagensis cardinalis, do- minus ad Vincula S. Petri cardinalis, dominus patriarcha Alexandri- nus, dominus Bituricensis archiepiscopus et dominus Turonensis archi- episcopus. Hii duo illa in banca sedebant, quia regis Francie am- baxiatores. A latere vero sinistro erant dominus cardinalis S. Eustachii a) so! b) ?