102 pedit, ne contra promissa venire dicamur et omnes impensas perdamus, infecto negocio tam sancto. Quare ex hiis et aliis consideracionibus visum est domino legato, sed et plerisque aliis, quod Avinio nullo modo eligi possit aut debeat. Unde rogavit et consuluit, ut nos instaremus pro viribus, ut concilium hic in Basilea maneret. In quod si Greci consentire nollent, instaremus simili diligencia, ut ad Auinionem declinarent, quem locum ipsis offerre eligere nequaquam possemus. Et in eventum, quo nec illic venire vellent, sed manere in decreto, quod ex nunc eligeremus locum nominatum in decreto et studeremus talem eligere, qui posset eis et domino nostro pape magis esse gratus, ut sic alliceremus eos. Ipse igitur dominus legatus elegit primo loco Vtinum in Foro Julii, sic tamen quod Veneti libere totam terram ecclesie Aquilegiensis ponerent in manibus sacri con- cilii cum plena alias securitate et salvo conductu, et peccunias necces- sarias concederent; deinde Papiam, deinde Florenciam, postremo Wiennam, et dimisit eleccionem inter ista loca Grecis. Rogavit eciam instanter, quatinus et nos reliqui de concilio sic eligeremus; tunc domino nostro pape, Grecis et omnibus complaceremus; vel saltem locum compre- hensum in decreto. Quod si secus faceremus, ipse auctoritate sedis apostolice contradiceret et nequaquam consentiret, quia nullo modo vellet neque salva consciencia posset recedere a decreto, quod ipse per se composuisset, et a principio usque in finem huiusmodi tractatibus cum Grecis interfuisset, unde et clare sibi de intencione contrahencium et decreti constaret. Ad tollendum eciam timorem quam plurium sive dubium de enervacione auc- toritatis conciliorum et cassacione decretorum, ut prefertur, visum est sibi, quod post alia loca aliquis nominaretur in Ytalia ad complacendum domino nostro, sic tamen quod ante omnia sanctitas sua confirmaret omnia decreta facta et attemptata contra ea revocaret et in prosecucione reformacionis assisteret. Ad quod obtinendum ambasiatores regis Francie et quidam alii notabiles se obtulerunt. Et hic modus multis placuisset, nisi Gallici, sperantes in multitudine suppositorum et votorum, immobiliter in suo pro- posito mansissent. Tandem dominus legatus, licet reputaret, se displicere domino pape, Sabaudiam ad hoc satis aptam et ydoneam non esse et multas alias terras reperiri posse eciam denominatis rebus accomodas, tamen quia Sabaudia in decreto nominata esset et multi ipsam elegissent, ad complacendum Gallicis, si ipsam simpliciter eligerent et dominus dux Sabaudie, prout requisitus fuisset, de prestandis peccuniis loco et securitate infra mensem concilium certos faceret, ipse in Sabaudiam consentiret et pro ea concluderet, contra veritatem autem et promissa nullo modo facere vellet aut posset. De quibus omnibus solempniter ipso die beati Nicolay 1 Dezember 6.