328 Erben, Regesta Bohemiae. 706) 1226. Otacarus, rex Boemiae, claustro Lutomislensi indulget culpam, quae hlaua vulgariter nominatur. — »Cum nos semel de Morauia per Lutomizl in Boemiam transiremus, per que- relam domini Walteri abbatis et fratrum, in eodem claustro domino famulantium, nobis con- stitit evidenter, quod a castellanis et judicibus atque aliis nostris beneficiariis occasione illius culpae, quae hlaua vulgariter nominatur, ejusdem nostri claustri pauperibus maxima impedimenta et injuriae atque gravamina fiebant; quam culpam, hlauam videlicet, ut ante- dicti nostri claustri hominibus perpetuo penitus indulgeremus divinae remunerationis intuitu, praefatus W. abbas cum fratribus nobis humiliter supplicavit. Et quia praenotatum claustrum, Lutomizl scilicet, maxime cum sit nostrorum praedecessorum atque nostra fundatio, speciali quadam dilectione semper dileximus, et a nostris successoribus diligi volumus et foveri, ad preces domini Walteri — eandem culpam, quae hlaua vulgariter dicitur, omnibus generaliter hominibus, ad jam nominatum claustrum Lutomizl pertinentibus, perpetuo indulgemus. — Ad hujus vero nostrae indulgentiae perpetuum et inviolabile firmamentum praesens privile- gium per cancellarium nostrum Arnoldum, Wissegradensem praepositum, et Hermannum notarium nostrum, Lutomericensem praepositum, conscribi et sigilli nostri robore communiri, nomina etiam testium, coram quibus haec facta sunt, hic decrevimus annotari: Slauek came- rarius Pragensis, et filius ejus Boguzlaus. Bicen castellanus Wratizlauiensis. Hartlebus vil- licus regis. Johannes castellanus. Jaros de Pribizlauic. Vitek et frater ejus Henricus. Boruta de Redgosc cum filio suo Boruta. Sulizlav de Loza. Sauisa. Cstibor de Nedelisc. Coiata filius Grabisse de Ponte. Golac castellanus Olomucensis, et frater ejus Zuezlav de Planan. Janec judex Vratizlauiensis. Otazlav de Radgosc, cum filio suo Hartlebo. Wacek. Jacin de Borouec. Suatozlav de Hermannic. Groznata de Podebrad. Predbor. Groznata de Hinerov. Glupen de Gor. Petrus de Seleuic. Dobromil. Zueprav. Dnepr. Scizlav. Mladota. Vatzlav. Bolezud de Cralic. Slusek de Pusic. Cristan de Zuincan. Mirozlav cum filiis Jan et Budi- zlav de Valle sacerdotis. Bicen. Ratmir. Sdimir. Budizlav. Buz. Predbor de Morasic. Victor filius Blud, et alii multi. Acta sunt autem haec anno dominicae incarnationis MCCXXVI. Indictione XIV. Epacta XX. Concurrente III.« Ex orig. in regist. c. r. gub. Morav. Boczek II, pag. 174. 707) 1226, 19 Sept. In Znoim. Ottacarus, Boemorum rex, monasterio Lucensi pro fundo ejus Culchoy confert eccle- siam in Prozimeriz et alia. — »Cum nos vellemus ante Znoym civitatem construere, in ipsam- que homines convocare, et quia nostra propria area ibidem sita ad ipsam construendam nobis non erat sufficiens, fundum quendam, Culchow nomine, — ad coenobium Lucense pertinentem, excepto solo quodam vico circa ecclesiam S. Nicolai sito, Vgezdez nomine dicto, qui specialiter ejusdem ecclesiae dos semper exstitit, cum curiis magistri Petri, Heinrici sagittarii, Vlrici sagittarii, et aliis eidem ecclesiae prope adjacentibus, praedictae civitati et suis habitatoribus addidimus. Praefato Lucensi coenobio loco jam dicti fundi et omnium