324 Erben, Regesta Bohemiae. 702) 1226, 3 Jul. Westmonasterium. Henricus III. Angliae rex regi Boemiae de nunciis hinc inde missis. — »Redierunt ad nos ad vos missi ex parte nostra, dilecti et fideles nostri . . . cum quibus fidelis vester . . . praesentium lator, venit, qui, porrectis nobis literis vestris, continentibus, ut fidem habe- remus ei super negotio, de quo tractaverunt vobiscum praedicti nuncii nostri, voluntatem vestram nobis exposuit, una cum praedictis nunciis nostris, evidenter et discrete. Ad ea autem, quae nobis exposuit, responsum accepit, sicut decuit; de quo et ipse serenitatem vestram plenius certificare poterit viva voce.« Teste rege apud Westmonasterium, III die Julii. Rymer Foedera I, 1, pag. 98. 703) 1226, 21 Jul. Laterani. Honorius III. papa praeposito et capitulo Pragensi, quomodo mortuo episcopo Pragensi B(udilow) ad electionem successoris ejus procedere debeant. — »Cum nuper bonae memoriae B. Pragensis episcopus, pater et pastor animarum vestrarum, sexto idus Julii fuerit, sicut domino placuit, viam universae carnis ingressus: — mandamus, quatenus, ne per impressio- nem aliquorum indignum aliquem eidem ecclesiae praeferri contingat, tres vel quatuor de vobis universitatis nomine cum literis de ratihabitione ad nostram praesentiam transmittatis, qui de nostro consilio et assensu de persona idonea vobis et eidem ecclesiae in episcopum provideant et pastorem. Si vero ante susceptionem mandati nostri fuerit electio celebrata, examinationem et confirmationem sedi apostolicae reservamus, decernentes irritum et inane, si circa praedicta fuerit aliquid attemptatum.« Dat. Laterani, XII Kal. Augusti, anno X. E Regesto Honorii pp. III. a. X. epist. 333, in Tabul. Vatic. Copia vidim. in Mus. Boh. 10.A Sb 704) 1226, 24 Jul. Luca. Fridericus de Jerus et Babo de Altenburg abbates, et B. plebanus de Hardek, ab apost. sede judices delegati, decidunt causam, quae vertebatur inter abbatem de Luca et Adam sacerdotem ratione ecclesiarum S. Nicolai et S. Michaelis Znoymae. — »Cum nos ita- que eundem Adam multoties a nobis citatum propter contumaciam excommunicassemus, et in eadem excommunicatione per annum stetisset: nos ad convincendam ipsius malitiam ad monasterium Luca accessimus, et praedictum sacerdotem, praestita cautione juratoria nec non et fidejussoria, absolvimus. Dedit quippe fidejussorem dominum Wigbertum praepositum S. Hypoliti 1), scribam regis, et personaliter juravit, quod deinceps in parochiali jure, in sepulturis et decimis ecclesiam S. Nicolai non gravaret; ad petitionem quoque nostram et dom. Wigberti, qui ex parte regis venerat, ut concordiam inter eos procuraret, abbas de Luca expensas judiciales, quae in litem factae erant, et alia damna gravissima, quae prae- dictus Adam monasterio intulerat sepeliendo mortuos excommunicatos, et indifferenter con- vocando et recipiendo plebem S. Nicolai ad ecclesiastica sacramenta, remisit, renunciando actioni injuriarum. Concessit etiam abbas ecclesiae S. Michaelis baptismum et sepulturam in vico Bala, et in quibusdam curiis infra ambitum fossati et in proximo ecclesiae S. Michaelis adjacentibus, quas nominatim exprimere ad cautelam decrevimus: curia Arnoldi parvi et