82 Fritz, dictum Voyt 1), traditorem, nec non Lupum de utendorf et duos ipsius fratres, videlicet Henl. et Gunth. ceterosque ipsorum complices — s — Winchlerum apostatam Cruciferorum, LVI marc(arum) auri preter aureos, Cutes bovinas magnas et equos ibidem predictos spoliati. Et quia secreti dictorum Civium nostrorum nuncii, quos ad partes ad inquirendum de hiis factis et circumstanciis veritatem miserant, se asserunt esse expertos, quod predicti malefici, vobis fortassis ignorantibus de hoc casu, apud vos solent conversari et vivere sumptuose; Idcirco vos petimus omni diligentia et affectu, quatenus ad hoc obsequii nostri consideracione vestre sollercie diligentiam adhibere curetis, quod predictis nostris Concivibus super ipsorum dampnis in hac parte perceptis seu illatis impendi possit justitia expedita, cum vestris Consociis et conversationibus penitus sint indigni; ne dubitetis si aliquid talium nobis ex parte vestri innotesceret, quin vestra legacio ad conformandam nos vobis ad persequendum maléficos intrinsecus nos moveret. 207. Cives Pragenses petunt alios cives si eorum furem reperiant ipsum ad restituendum res deportatas teneant vel faciant justitiam. Prudentibus 2) viris, Judicibus et Juratis ac eciam Burchraviis quorumcunque locorum, quibus pre- sentes exhibite fuerint, Wenczl(aus) Rogz(aner) Judex et Jurati Pragenses sinceram et ceter. Signi- ficamus vobis, quod Fr. Lup. noster Concivis, proposuit coram nobis, quod Nicol(aus) Cognatus suus, Pesoldi de Satz filius, ruptis Camere sue seris res quasdam sibi abstulerit de eadem. Quapropter vos requirimus et rogamus, quatenus eundem Nicol(aum) reum, si apud vos inventus fuerit, ad hoc quod prefato Nicol(ao), dampna passo, vel Ulrico Pellifici Pragensi, presentium ostensori, predictas res ablatas restituat, teneatis. Quas si restituerit, extunc exhibitori presentium faciatis de dicto Nicolao reo id, quod sibi nomine justitie petiverit faciendum. 208. Rex multum et nimis monitus non solvit Militi suo debita, qui argente necessitate hoc conqueritur et querit in aliis terris officia obtinere ut debita evadat. Premisso debito servicio meo. Dominacioni vestre significo3), quod multiplices littere domini mei Regis Boemie, quod 4) non sine gravibus laboribus et expensis super assequendis proficue meis debitis, ut sperabam, et aliis causis promocionem meam respicientibus, pluries eciam vestro mediante generoso auxilio, impetravi, mihi hucusque quasi in nullo vel modico profuerint; Ita quod, proch dolor, necessitate cogente inevitabili et evasione dampnorum multiplicium ac intolerabilium exigente, Castrum Poydibrat de beneplacito Regio pro pecunia, qua creditoribus, in quanto possem, satisfacerem, obligavi. Pietati vestri Culminis supplicans toto nisu, quatenus, si cum ipso domino meo Rege conveneritis ista vice, me proficue dignemini promovere et commendare in hac parte, quod exhibita sue Celsitudini per me servicia sic attendat, quod mihi nullum detrimentum pariant, sed augmentum. Quia si me in aliis promocionibus dicta mea debita assequendi, prout littere ejus sonant, que heu quo ad me penitus non curantur, in brevi non respexerit generose, tunc prorsus mihi nil restat aliud faciendum, quam quod ad tempus de Regno Boemie me absentem, ut sic parcendo expensis cum redditibus residuis bonorum Regalium, que adhuc teneo, plene evadam debita universa et quia super hac intentione mea Strenuum Militem, dominum Con- r(adum) Bavarum de Popardia, rogavi plenius gratie vestre loqui, Idcirco in ejus persona verba mea dignetur vestra precellentia recipere generose et mihi super eis juxta solitam benevolenciam respondere. 1) Vergl. Brief 88 und 143. 2) Vergl. Brief 125. €) Vielleicht Frenzlin Jacobi, der in vielen Briefen als Pfandinhaber von Poydibrad vorkommt. Vergl. auch Brief 114, 122 und 39. 4) 1. quas.