67 genda. Pretacto Nechlino inhibemus, ut nullum querere debeat super predicta domo Judicium coram vobis sed tantam coram Episcopo et capitaneo Antedicto. Tibi quoque Henr(ico), Judici predicto, precipimus et mandamus volentes, ut sepedicto Nechlino super pecunia vel alia causa, qua monere habuerit, justitiam, mediante (?) sibi coram Episcopo et Capitaneo prelibato ad objecta quelibet in loco et termino, assigna- tis sibi, debeas respondere, nullis aliis litteris nostris, si que date fuissent, aut darentur, in contrarium valituris, quibus presentes volumus prevalere sigilli nostri appensione munitas et cetr. 159. Dominus de Rosenberch committit civitatibus quod judeos Pragam destinent. (1339—41 oder 1346.) Petrus de Rosenberch, Regis Boemie Capitaneus 1), discretis viris Neunburge 2), Piczov. 3), Gretz. et Colon. 4) Civitatum Judicibus et Juratis, sincere sibi dilectis, salutem cum plenitudine omnis boni. Mirari de vobis non modicum cogimur, quod prioribus nostris litteris et mandatis efficacibus effectum non tribuentes debitum, judeos in singulis vestris Civitatibus habitantes ad veniendum Pragam, statim visis ipsis litteris, non artastis 5), ut cum magistro et ceteris judeis ibidem Prage, quorum interest, se pro eorum collecta, que eos nomine contingit Regio, expedissent. Mandamus itaque vobis adhuc firmiter et districte ex parte dicti domini nostri Regis et nostra, quatenus predictos judeos singulos, vobis commo- rantes, exceptis Sarca in Czazlav(ia) et Muschlino in Neuburga, statim post receptionem presentium Pragam ad expediendum se ibidem cum prefatis judeis et pro eorum Collecta, ut predicitur, absque cu- juslibet more dispendio, nostro nomine compellatis venire, ne in vos reddundet negligentia cum dampnis, que exinde predictis judeis poterint evenire. Nec vos per hoc aliqualiter volumus excusari, si quosdam dictorum judeorum a vobis dixeritis effugisse, vel quomodolibet abscondisse. De bonis enim judeorum talium mobilibus et immobilibus eorum, cum parvulis et debitis universis vos intromittatis nostro nomine et teneatis, prout vobis videbitur expedire, quousque patres familias Pragam venientes Collectam suam prefatis judeis Pragam, prout ipsi instituerint, expediant integraliter et completo. Nichil omnino circa premissa de contingentibus aliquatenus obmissuri. Datum et cetr. 160. Cives Pragenses petunt singulos vel ubicunque famulus ipsis equos et aureos deducens tanquam furtive nuncio eorum faciant justitiam plenam (sic!). Viris ydoneis, Militibus et Militaribus, quibuscunque dominiis aut Officiis fungentibus, necnon Advocatis et Consulibus quorumcunque locorum, quibus presentes exhibite fuerint, Wenc(laus) Rogeza- n(er) Judex, Jaxo Ruperti, Magister civium, ceterique Jurati, Civitatis Pragensis Cives, semper et ubi- que ad obsequia se paratos. Significamus vobis, quod Concivis noster coram nobis constitutus plurium fide dignorum hominum sufficienti testimonio demonstravit, quod quendam suum famulum, nomine Meiler, misit ad partes loginquas cum duobus equis seu spadonibus, ad vendendum eosdem et precium, pro quo ipsos spadones venderet, ac etiam C aureos, quos ab ipsius Mladoche quibusdam debitoribus debeat percipere, reportando. Et quia idem famulus suum in hac parte reditum nimis differt, dictum dominum suum faciens de suo reditu aliquomodo dubitare; Idcirco ydoneitatem vestram, quanto studiosius possu- mus, exhortamur, quatenus dicto Mladoche, vel ejus certo nuncio, presentium ostensori, fidem adhibentes 1) Vergl. Brief 136. Anm. 1. 2) Nimburg an der Elbe im Bunzlauer Kreise. Sommer, Kr. Böhmen II. 48. 3) Petschau im Elbogner Kreise, böhmisch Beczow. Schaller, Topogr. II. 149. 4) Kolin im Kaurzimer Kreise. Schaller X. 38. 5) Vergl. Brief 138. 9°.