604 Acta Urbani V. marchionibus, comitibus ... . per Alamanniam constitutis, salutem etc. Iminente nobis cura gregis dominici ex officio pastorali solerter vigilare nos convenit, ne lupina rabies heretice pravitatis sub ovium vellere latitans, mactet crudeliter et disperdat, quos fidei vivificat sacramentum. Cum itaque, sicut accepimus pestis illorum hereticorum, qui beghardi vocantur, in nonnullis Alammanie partibus procurante humani generis inimico dicatur exorta, nos cupientes, quod pestis ipsa, que multum posset esse periculosa fidelibus, si non extirpetur et celeriter de caulis fidelium propellatur, et quod officium inquisitionis d f. Henrico de Agro, ordinis fratrum Predicatorum in nonnullis civitatibus et diocesibus partium predictarum inquisitori dicte pravitatis et aliis inquisitoribus eiusdem pravitatis apostolica auctoritate commissum, ad profectum fidei et ani- marum salutem auctore domino prosperetur, universitatem vestram ro- gamus et hortamur attente, per apostolica vobis scripta in virtute sancte obedientie districte precipiendo mandantes, quatenus ob reverentiam di- vinam et apostolice sedis ac nostram et amorem fidei prelibate, ipsos inquisitores et suos vicarios benigne recipientes et honeste tractantes ac eis in prosecutione negotii dicte fidei in capiendo et custodiendo huius- modi hereticos seu suspectos de heresi, utriusque sexus, contra quos ipsi inquisitores vel eorum vicarii procedent pro tempore et alias, prout expedierit consilium, auxilium vel favorem totis viribus devotisque men- tibus efficaciter impendatis, vestros carceres, quibus in eisdem partibus carere dicitur officium inquisitionis huiusmodi, prestantes eisdem, donec officio predicto de certis carceribus sit provisum, ac ineundo, stando et redeundo securum conductum liberaliter tribuatis, quotiens fuerit oportunum, preces et mandata nostra huiusmodi taliter impleturi, ut causam fidei videamini cordialiter assumere et fovere, ac apud deum et sedem predictam possitis exinde merito commendari. Datum Rome apud s. Petrum XVII kal. Maii anno VI. R. Vat. 249 (Urbani V. anni VI secretae) fol. 97. — Reg. apud Schmidt-Kehr, Päbstl. Urkunden etc. II, pag. 224, num. 815 a. — In registris sequitur adnotatio: ,Similis fuit facta pro fratre Ludovico de Caliga ordinis fratrum predicatorum." 965. Petrus abbas monasterii Milocensis ordinis Praemonstratensis Pra- gensis dioc. quittatur de solutione suorum servitiorum. Romae apud s. Petrum, 1368 Aprilis 19. Universis etc. Arnaldus etc., quod venerabilis in Christo pater do- minus frater Petrus, abbas monasterii Milocensis ordinis Premonstratensis Pragensis dioc., pro parte partis sui communis servicii, in quo est camere domini nostri pape obligatus, viginti septem florenos et sex solidos, necnon pro parte partis IIII’r serviciorum familiaribus et officialibus sex florenos auri et viginti solidos monete Auinionensis clericis etc. recipientibus per manus Conradi Henrici canonici Pragensis die date presencium solvi fecit, de quibus etc. Verum intellecta etc. auctoritate etc. usque ad