et Moraviae. Annus 1335. 79 heredes cum tota ipsorum potencia regni Bohemie, ad requisicionem nostram, filiorum seu heredum nostrorum sine fraude et dolo personaliter teneantur et debeant adiuuare. Preterea pro- mittimus fugitiuos et profugos generaliter quomodolibet proscriptos de regno Bohemie ad regna nostra venientes nullatenus recolligere nec per quempiam nostrorum seu ad nos pertinencium recolligi et assumi aliquatenus sustinere. Et similiter idem frater noster rex Bohemie, filii et suorum filiorum heredes proscriptos, profugos et fugitiuos de regnis nostris ad regnum Bo- hemie transeuntes per eos aut per quempiam ad eos spectancium recolligi in regno Bohemie et suis contiguis pertinenciis nullatenus pacientur, ymo denunciacione facta hincinde per nos reges, heredes aut officiales regnorum vtrorumque proscriptos huiusmodi de regnis nostris vtrobique excludemus et excludi omnimode faciemus. Preterea si inter nos, filios nostros aut heredes eorum ex vna parte ac dominos Albertum et Ottonem, duces Austrie et Stirie, ac eorum heredes ex altera quocumque tempore aliquam discordiam seu guerram contingeret suboriri, extunc ad vnionem pacis et concordie cum ipsis deuenire nolumus sine ipso rege Bohemie et filiis suis ac heredibus sub virtute prestiti sacramenti, nisi primitus ad hoc dicti fratris nostri regis Bohemie, filiorum suorum et heredum eorum expressus consensus acces- serit et voluntas. Similiter si dictus frater noster rex Bohemie, filii et heredes eorum de pre- senti querra vel in futuro habenda cum prefatis ducibus Austrie et Stirie aut eorum here- dibus ad vnionem concordie deuenire decreuerint, hoc facere non debeant sine nobis et filiis nostris sub virtute prius prestiti sacramenti, nisi primitus ad hoc noster, filiorum et heredum nostrorum consensus expressus accesserit et voluntas. Ceterum quocienscunque nos reges, filios et heredes nostros aut gentes nostras prestando subsidium aut modo alio quocunque conue- nire contigerit vel placuerit, semper tuti et illesi esse debeamus mutuo et penitus securi. Hec igitur omnia et singula sub virtute prius prestiti sacramenti pro nobis, filiis nostris et heredibus, et sub pena excommunicacionis papalis perpetuo promittimus presentibus inuiola- biliter obseruare. Ipse eciam frater d. rex Bohemie pro se, filiis suis et eorum heredibus eadem nobis, filiis nostris et heredibus viceversa, prout in premissis declaratum articulatim extitit, debeat et teneatur sub iuramento et pena predictis irrefragabiliter obseruare.“ — Dat. in Alto castro die dominico proximo ante festum Natiuitatis b. Virginis a. d. MCCCXXXV°. Chytil, Cod. dipl. Mor. VII, 831. — Ludewig, Rel. man. V, 483. — Dobner, Mon. hist. Boh. IV, 297. — Böhmer, Reg. Imp. 256, n. 213. 203) 1335, 8 Sept. Brunae. Heinricus, camerarius et summus regni Boemiae marschalcus, atque Johannes fratres de Lipa recognoscunt, se esse abbatissae et conventui monasterii Aulae S. Mariae in Antiqua Brvnna pro Margareta, relicta Ingrami de Vngersberg, in C marcis ponderis moravici debi- torie obligatos, quam pecuniam post mortem dictae d. Margarethae monasterio Aulae S. Mariae solvere promittunt. — Dat. Brunne die Natiuitatis glor. Marie Virg. a. d. MCCCXXXV°. Ex orig. arch. march. Mor. Chytil, Cod. dipl. Mor. VII, 64.