198 Johannis de Ragusio, unionis et concordiæ opus apponentes, viros timoratos, in lege Christi exercitatos, com- munem salutem et pacem, non particularia commoda affectantes, de quibus vobis alias scripsimus, ad hoc sacrum concilium placeat quantocius destinare; quibus plenam et omnimodam securitatem accedendi, standi et redeundi, promtis et non fictis animis dabimus, atque apud quoscunque, de quibus necessarium fuerit seu etiam opportunum, procurare non omittemus ; nec in aliquo deficiemus, quantum vires nostræe suppetent, tam salutiferæ et deo gratæ operationi. Super autem salvisconductibus ad hoc necessariis scribimus illustribus principibus, dominis marchioni Brandenburgensi, Alberto Austriæ et Johanni Bavariæ ducibus, necnon nobili Ulrico baroni de Rosemberg, ac etiam consulibus Norim- bergensibus et Egrensibus, necnon ambasiatoribus nostris in locis vobis vicinis persisten- tibus. Accingimini itaque sacro fidei baptismate insigniti operas vestras efficaces apponere, ad regni vestri cum ceteris firmam pacem, concordiam et unionem. Tædeat vos, quæ- sumus, cladium bellicarum, et hincinde tam horrendorum flagitiorum perpetratorum, ac viribus totis communem animarum et corporum salutem effectualiter procurare satagite. In his siquidem deo auctore vobis assistemus fideles cooperatores. Hoc tamen quantocius fieri rogitamus, quatinus morum omnium statuum emendationi, prout inchoavimus, latius et efficacius intendere valeamus, ad dei honorem et suæ immaculatæe sponsæe ecclesiæ sanctæ. Pax autem Christi, exsuperans omnem sensum, custodiat corda vestra et intelli- gentias vestras, vosque ad divitias gloriæ et agnitionem veritatis deificæ perducere dignetur, amen. Datum Basileæ in nostra congregatione generali, die Sabbati, vi mensis Martii, anno a nativitate domini millesimo quadringentesimo tricesimo secundo, sub sigillo reve- rendi in Christo patris, domini Philiberti episcopi Constantiensis provinciæ Rotomagensis, quo utimur de præsenti." Magister etiam Johannes de Ragusio scripsit eisdem eadem 14 die, informans eos plene de singulis, et confortans, ut viriliter et constanter prosequantur incepta ad laudem dei et exaltationem fidei catholicæ. Quinta decima die magister Johannes Nider magistro Johanni de Ragusio ita 1432. scripsit: 100. 1432. 15. Mart. „Reverendo in Christo patri fratri Johanni de Ragusio, sacræ theologiæ pro- fessori eximio, ordinis Prædicatorum, præceptori suo præecipuo. Reverende magister! Post humillimam sui recommendationem. Noverit Vestra Paternitas, quod pridie per provincialem Augustinensem de Bavaria late scripsimus Vestræe Paternitati, tam socius quam ego, et nunc socius meus iterum repetit in sua litera, quoniam per præsentem bajulum transmittimus ea, quæ præfatus provincialis affert, ne forte idem in via tardans, dilationem sciendorum inducat. Mittit eandem ob causam socius meus copiam literæe nobis missæ nuper a Bohemis. Item quia heri venerunt consulibus Nurembergensibus a domino rege plura in scriptis nova bona, idcirco omnia, quæ ad acceptandum eadem habere potui, illico acceptare procuravi, ipsa præsentibus includendo, ex quibus videre poteritis statum Bohemiæ in notabili parte. Item videtur, quod multis ex causis, tactis in copiis hic inclusis, non statim sit possibile, quod Hussitis provideatur de salvoconductu sufficienter, licet finaliter fiet. Ideirco non oportet multum sollicitari, ne ita cito veniant concilio non multum congregato. Item in literis præfatis regiis etiam continebatur cedula alia, continens de verbo ad verbum puncta per Pragenses conclusa, quæ dudum vobis