Inquisicio domus Pragensis. 31 Petrako. Interrogatus de fama publica respondit, quod de premissis, de quibus ipse testis deposuit, est publica vox et fama. V. Fridlinus laicus procurator curie et domus s. Marie in pede pontis Pragensis, quinquagenarius et ultra, iuratus interrogatus de nominibus preceptoriarum sive domorum et de numero earundem in civitate et diocesi Pragensi constitutarum ordinis s. Johannis Jerosolimitani respondit, quod decem in civitate et diocesi Pragensi domus existunt, videlicet prima s. Marie in pede pontis Pragensis, secunda in Strakonicz, tercia in Manietin, quarta in Cadano parrochialis, quinta in Ploskouicz, sexta in Swietla alias in Duba, septima in Glacz parrochialis, octava in Zittauia similiter parrochialis, nona s. Viti in Juueni Boleslauia, decima ibidem s. Johannis Bapt. parrochialis; de aliis domibus, si que sunt, ipse deponens deponere nescit. Interrogatus de causa sciencie respondit, quod manet in monasterio predicto in pede pontis a XXX annis vel circa et sic scit predicta. Interrogatus de nominibus, cognominibus et etatibus preceptorum sive rec- torum earundem domorum respondit sibi de aliorum domorum [!] sive pre- ceptorum nominibus et cognominibus ac etatibus nichil constare, dicens, quod preceptor seu commendator s. Marie in pede pontis Pragensis vocatur Petrus dictus Pesslinus de Praga habens, ut credit, ultra quadraginta annos etatis. Interrogatus de nominibus, cognominibus et etatibus sacerdotum et aliorum in sacris existencium et militum laicorum et de numero eorundem respondit sibi de nominibus, cognominibus ac etatibus sacerdotum et aliorum. in sacris existencium ac militum et de numero eorundem non bene con- stare, nec eciam scit de hoc deponere, quia est persona secularis. Interrogatus de fructibus, redditibus et proventibus earundem, qui communiter obveniunt vel consueverunt communiter obvenire, respondit, quod domus s. Marie in pede pontis habet in redditibus seu censibus annuis non plus nisi sexingentas viginti sexag. gr. Pragensis monete, sed quantum in obvencionibus aliis eidem monasterio obveniat annuatim, ipse deponens nescit. Interrogatus, quomodo sciat predicta, respondit, quod audivit a camerariis et notariis, qui tempore suo in monasterio predicto fuerunt, quod idem monasterium non plus habet in censibus, nisi prout superius deposuit. Interrogatus, quantum predicte sexagene et grossi faciant in florenis, respondit, quod nescit. Interrogatus de oneribus necessaris earundem domorum preceptoriarum respondit, quod ipse testis expendit et impendit ac exposuit pro coquina et pro vestibus familiarium tam religiosorum quam secularium monasterii predicti in pede pontis ac pro ferro et curribus ac aliis necessariis curiarum et vinearum nonnullis minime ad quingentas sexag, singulis annis et ultra, et alia, videlicet dacie imperatori et alie impense et expense impenduntur et expenduntur, quorum numerum ipse testis exprimere nescit, ac tamen credit et pro certo scit, quod omni anno dictum monasterium ultra sortem pecuniarum, que de redditibus et obvencionibus venire possunt, expendit