Inquisicio domus Pragensis. 23 et subsidio gwerrarum et pro colenda, que fit infra festum nativitatis Christi CC sexagenas et viginti sexagenas grossorum monete Pragensis singulis annis impendunt. Item singulis annis censuant certis personis, qui ab eis censum ad tempora vite emerunt, quinquaginta duas sexagenas grossorum monete Pragensis, que summa sexagenarum et grossorum pro oneribus“) predictis expendendorum facit tria millia CCLXXXV flor. auri. Item interrogatus, pro quanta summa domus sua cum suis fructibus, redditibus et proventibus annuatim locari, arrendari sive ad firmam dari possit, si ipse et alii milites essent absentes sive in remotis existerent, pre- sentibus solis presbiteris et aliis in sacris constitutis in domo predicta, respondit, quod eciam si ipse cum prioribus ac preceptoribus et fratribus in remotis existeret, manentibus sacerdotibus et in sacris constitutis in domo, utilitates, fructus et proventus domus sue non possent pro pluri summa pecunie locari, arendari sive ad firmam dari, nisi prout superius expressum est propter onera supradicta, quia fratres et milites supradicti sunt sibi necessarii et oportuni ad officia tenenda et regenda, quos si non haberet, oporteret alios seculares laicos collocare. Item interrogatus respon- dit, quod de premissis, de quibus deposuit, est publica vox et fama aput fratres et familiam domus predicte. Secundus testis. Dominus Petrus, predicator monasterii seu domus sancte Marie in pede pontis Pragensis ordinis sancti Johannis hospitalis Jerosolimitani annorum, ut credit, XXXVIII, juratus interrogatus de nomi- nibus preceptoriarum sive domorum et de numero earundem in civitate et diocesi Pragensi constitutarum ordinis predicti respondit, quod sunt decem domus ordinis predicti in civitate et diocesi Pragensi, quarum prima est s. Marie in pede pontis in Praga, in qua ipse deponens est predicator. Secunda domus in Strakonicz habens sibi duas ecclesias parrochiales subiectas, in Harauicz et in Pieczina, quas fratres ordinis predicti presbi- teri dumtaxat regunt et officiant et plebem ecclesiasticis sacramentis pro- curant, in qua domo prior presbiter existit supremus fratrum dicti mona- sterii. Tercia domus est in Manietin, in qua commendator laicus existit, quarta domus est in Cadano parrochialis, quinta domus est in Ploskouicz, sexta domus est in Swietla alias in Duba, septima domus est in Zittauia parrochialis, VIIIa domus est in Glacz eciam parrochialis, item nona domus sancti Viti in Juueni Boleslauia et decima domus ibidem in Boleslauia par- rochialis sancti Johannis Baptiste. Interrogatus de causa sciencie respondit, quod est in ordine predicto bene a XIIIIer annis et sic scit predicta. Interr. de nominibus et cognominibus ac etatibus preceptorum sive rectorum earundem domorum respondit, quod commendator domus sancte Marie in pede pontis vocatur Petrus dictus Pesslinus de Praga. De etate ipsius deponere nescit. Interr. de nominibus, cognominibus et etatibus sacer- dotum et aliorum in sacris existencium et militum laicorum et de numero c) rkp. má »poneribus«, opravil vyd.