154 HISTORY VND WAHRHAFFTIGE GESCHICHT... Nov. 3 Nov 4 (1412) 1414 durch seine intimation vnd schriffte hat kunt gethan, wie er ynn gemeyner versamlung der priesterschaffte ym ertzbistumb zu Praga von seinem glauben wolle bescheyd geben vnd vor seinem abschied einem yglichen, der yhm etwas entgegen hielte, gnug thun, also hat er auch ynn diser loblichen keyserlichen stadt kundt gethan, wo yemand einicherley yrthumb odder ketzerey yhm will aufflegen, daß er sich zu gedachtem concilio zukom- men bereytte. Denn er will allda bereyt seyn, einem yglichen, der wider yhn setzet, (A7) von seinem glauben bescheyd zu geben2°. AM sonnabend nach aller Heiligen tage, welcher ist gewesen der dritte des Wint- termonds21, ist Magister Johann Huß eynkommen zu Costnitz vnd ynn S. Paulsgassen bey einer guten witwen22 zur herbrige gelegen. Des andern tags?s sind herr Johann von Clum vnd Heinrich Latzembock zum bapst Johanni dem XXIII zu seinem pallatio gegangen vnd yhm angesagt, wie sie Magister Johann Huß ynn sicherm geleyte des Romischen vnd Hungerischen konigs allher zum concilio gen Costnitz gebracht haben, vnd gebetten, daß er ynn ansehen koniglicher Maiestet sicher geleyte benantem Magister kein hyndernis wolt geschehen lassen. Vnd der bapst hat geantwortt, er wolle yhn keinerley weyse hyn- dern odder zu hyndern gestatten, ob er yhm gleich auch seinen leiplichen bruder erwurget hette, darumb solt er sicher seyn zu Costnitz zu bleiben. VNter des kam Magister Stephanus Paletz gen Costnitz, mit welchem Magister Stanißlaus von Zunonn" aus was geritten, aber noch ynn Behemen zum Newen hauß an der pestilenz gestor ben. Diser Paletz, als er gen Costnitz kommen ist, hat er sich so bald zu einem gesellet, der hieß Michael de Causis2s, welcher ein anreger vnd widder- werttiger war Johann Hussen. Also haben sie etliche artickel2 widder Magister Johann Hussen geschriben, welche sie zum teyl, als sie sagten, aus seinem tractat von der Kirche gezogen hetten27, damit sie zu allen furnemlichsten cardinalen, ertzbischoffen, bischoffen vnd anderen prelaten vmblieffen vnd das selbige teglich triben vnd Magister Johann Hussen also furbrachten vnnd beschuldigten mit stettem anregen, daß man yhn gefangen nemen solt. Vnd darzu namen sie auch die prediger munche zu hulffe vnd andere orden, welchen sie solche artickel zeygeten, damit sie die selbigen vnnd zuuorn yhre oberherren vnd magister der heiligen schriffte wider den Johann Hussen hetzeten vnd erregten vnnd gaben den selbigen die bemelten artickel widder Magister Johann Hussen verfasset vnd versamlet sampt andern klagen widder yhn beschriben. Diser Paletz was von iugent auff ein grosser freunde vnnd geselle gewesen Ma- gister Johann Hussen. Als aber ein cruciat2s odder als man es nennet ein romische gnad, welche bapst Johannes der drey und zwentzigst, welcher syder vom bapstumb entsatzt vnd Balthasar de Cossa genant wirt, widder Ladislaum den konig von Apulien gegeben hette, gen Prage kam vnd Magister Johann Huß erkante, daß die selbige mit dem gesetz Gottis nicht eynstimpte vnd der christlichen liebe entgegen war, widderstund er derselbigen. Weil aber bemelter Paletz von genantem bapst Johanne zu Bononien gefangen was vnd geschatzt worden2°, derhalben dorfft er sich nicht widder seine bulle setzen, wie wol en ym hause Magistri Christanni, pfarrers zu Sanct Michael ynn der Alten stadt Praga, ge- sagt hette ynn beywesen viler magistern, baccalaurien vnd studenten, auch sonderlich *(A S) (A S" (140s) 20 Překlad vynechává následující (v lat. relaci) list Husův z Norimberka, jenž patrně do první redakce nepojat; srvn. o tom úvod. — 21 v sobotu dne 3. listopadu. — 22 Slula Fida; v. str. 32 — 2 Dne 4. listopadu. — 2 Stanislav ze Znojma, jenž zemřel cestou do Kostnice v Jindř. Hradci. — 25 Michal z Německého Brodu. — 26 Palacký, Docum. 194—199. — 2 Palacký, Docum. 204—224. — 28 R. 1412. — 2 Cestou ke kurii se Stani- slavem ze Znojma r. 1408.