412 90. Markgraf Karl gewährt dem Canonicus bei Allerheiligen auf der Prager Burg, Wenzel Tausendmark, verschiedene Vorrechte bezüglich einer Stiftung zu seiner Präbende. Nos Karolus etc. notum etc. quod cum capellanus noster devotus W(enceslaus) dictus Tausentmark,1 capelle ad omnes sanctos in castro Pragensi canonicus, prebendam suam, que alio- rum canonicorum ibidem prebendis debuit esse in redditibus coequalis, adauxerit in specialibus redditibus de aliquibus suis laboribus propiis et impensis, nos advertentes, quod eo tempore, quo ipse W(enceslaus) alias dicte capelle nullis adhuc prebendis in ea creatis rector extitit, pluribus quam nunc dictarum pre- bendarum aliqua redditibus habundabat, sibi concedimus et favemus, ut ipse eosdem redditus adauctos cum prebenda quiete et pacifice teneat ac possideat temporibus vite sue, ita tamen, quod eo defuncto dicti redditus adaucti distribucioni aliorum prelatorum et canonicorum dicte capelle deinceps de- serviant in communi. Eidem quoque Wences(lao) extunc prout exnunc benivole consentimus, ut ipsam prebendam cum adauctis redditibus possit cum quocunque voluerit pro alio beneficio ecclesiastico permutare vel absque permutacione de ipsis cui- libet condescendere, prout sibi videbitur expedire, ita tamen, quod is cum quo permutaverit aut cui condescenderit preben- dam et redditus adauctos predictos pacifice et quiete tenere ac pleno jure possidere habeat toto tempore vite sue, eoque defuncto sepedicti redditus adaucti distribucioni aliorum pre- latorum et canonicorum deinceps, ut predicitur, deserviant in communi. Poterit eciam Wenc(eslaus) de adauctis prefatis redditibus pro anime sue remedio II sexagenas in perpetuum disponere nomine testamenti, quas in hunc modum ordinare decrevit legando pro prelatis et canonicis tunc presentibus LII gr. pro ministris XXIIII gr., pro pauperibus scolaribus X gr., pro cera VI gr., pro offertorialibus V gr. et sacriste V gr. in quolibet suo anniversario solempniter peragendo in perpetuum erogari. In cuius nostre concessionis evidenciam p. 60/b. 1 War vor der Erhebung der Allerheiligenkirche zum Collegiatstift ,Rector‘ derselben und dann (also seit 1342) Canonicus daselbst (Tomek 1. c. I., 384 und 556).