206 Summa cancellariae CCCLVII—CCCLVIII. CCCLVII. Imperator confert insolidum et dat potestatem et administracionem, ut ad pre- sentandum personam unam representet ſsic]. Karolus oc. Notum facimus oc., quod de honorab... decani Pragensis et Jo. canonici Wissegrad., devotorum nostrorum, circumspeccionis et legalitatis industria confidentes, sicut alias per regales literas nostras indulsisse meminimus, sic et nunc assecuto maioris dignitatis honore auctoritate regni et corone Boemie damus et concedimus eis et cuilibet ipsorum, sic quod non sit melior condicio occupantis, plenam administracionem potestatem et facultatem liberam, ad cano- nicatum et prebendam Luthomericensis ecclesie ad nostram presentacionem collacionem seu quamvis aliam disposicionem spectantes, quam primum eosdem vacare contigerit, unam personam ydoneam presentandi, gratum et ratum ha- bere volentes, quidquid in hoc duxerint faciendum. Ea tamen condicione, ut cum semel presentaverint, non liceat, absque novo nostro consensu denuo presen- tare. Presencium oc. CCCLVIII. Rex Boemie libertat domum ad s. Nicolaum Olomucensi episcopo et eximit ipsam ab omnibus bernis steuris et lozungis civitatis Pragensis. Wenceslaus dei gracia oc. Venerabili Johanni Olomucensi episcopo principi consiliario suo dilecto graciam suam et omne bonum. Grandis dileccionis fla- granciam et sinceritatem affectus purissimi, quibus deliberacio tua ecclesiam Olomuc. prosequitur, gratas aspexit nostra Serenitas et ideo iuxta tue suppli- cacionis continenciam et quemadmodum a Maiestate nostra vive vocis [oraculo humiliter supplicasti, consideratis eciam multiplicibus obsequiis et indefessi laboris frequencia, quibus attente sollicitudinis opera nostre Celsitudini tam devote quam eciam fideliter placuisti, donacionem illam, quam de domo tua sita in Maiori civitate Pragensi apud ecclesiam s. Nicolai in foro pullorum cum suis pertinenciis ecclesie Olomuc. in personas omnium successorum tuorum ibidem antistitum, nec non decani prepositi archidiaconi canonicorum et capituli prefate ecclesie, qui pro tempore fuerint, animo liberali fecisse dinosceris, auctori- tate regia Boemie animo deliberato sano principum comitum baronum et pro- cerum nostrorum accedente consilio de certa nostra sciencia approbamus, ratificamus et presentis scripti patrocinio confirmamus, absolventes eandem domum cum omnibus suis pertinenciis auctoritate predicta, ut premittitur, ab omni onere exaccionum, collectarum, bernarum, lozungarum, prestacionum seu cuiuslibet alterius tributi, quovis eciam nomine valeat appellari, quamdiu domus ipsa in tua, successorum tuorum nec non canonicorum et capituli Olomucensis ecclesie potestate [fuerit]. Si vero, quod non credimus, eadem domus quovis titulo vendicionis vel donacionis obligacionis permutacionis seu quovis alio modo ab ipsa Olomuc. ecclesia alienari contingeret, extunc ipso facto domus eadem cum omnibus suis pertinenciis ad reges, coronam et regnum Boemie sit modis omnibus devoluta. Mandamus igitur tenore presencium magistro