290 Nos Conradus, dei et apostolice sedis gracia [abbas], Petrus prior, Johannes supprior, Jacobus pitanciarius totusque conventus monasterii Strahowiensis alias Montis Syon ordinis Premonstra- tensis prope Pragam. Cum ea, que geruntur in tempore, a me- moria hominum labuntur, nisi testimonio litterarum perennentur et perpetuentur, quare presentibus publice fatemur et recogno- scimus, homines et incolas sequentes in Pohorzelecz, de et super fundo et agris nostris et nostri monasterii fundatos, in eorum edificiis et domibus ac structuris erectos, taliter videlicet quod quilibet eorum ex huiusmodi septem incolis 5 quartalia agrorum et in amplitudine cuiuslibet domus 30 ulnas et in longitudine 40 ulnas in lateribus hinc inde juxta mensuram civitatis Pra- gensis assignare et libere donare tenemur, velud eisdem et cuilibet eorum ac heredibus et successoribus eorum assignamus et tradimus sub condicionibus et juribus infrascriptis. Nomina vero dictorum incolarum in Pohorzelecz sunt hec: Wenczeslaus dictus Czihlicz, Martinek, Swach, Pikna, Lyda relicta, Sisel et Wenczeslaus dictus Zaczek. Quibus et heredibus ac successoribus eorum dictas fundacionem, ereccionem et structuram, bonum et utilitatem nostram et nostri monasterii predicti eciam auctoritate et licencia serenissimi principis et domini, domini Karoli, Ro- manorum imperatoris et Boëmie regis dive memorie, concessimus et plene indulsimus taliter, quod dicti incole et quilibet eorum, heredes et successores eorum nobis, successoribus nostris et nostro monasterio annui et perpetui census 40 gr. pragens. denar. dare et realiter solvere, medietatem in festo S. Galli proximo afffuturo et aliam medietatem in festo S. Georgii, et sic singulis annis et perpetue, libere et absque omni diminu- cione debent et tenentur. Quando vero berna regalis et com- munis per totam terram Boëmie fuerit, quilibet eorum 20 gr. pro huiusmodi berna totali solvere et dare tenetur. Si vero, quod absit, dictum censum perpetuum ac bernam in quocumque dictorum terminorum termino usque ad 8 dies inclusive ab eisdem terminis computando dare et solvere neglexerint, ex- tunc nos auctoritate nostra aut nunccium domini purgravii Pra- gensis a[s]sumentes predictos incolas et quemlibet eorum, he- redes et successores eorum plenam habebimus potestatem ipsos et eorum bona mobilia et inmobilia arestandi, inpignerandi et distrahendi tamdiu, donec dictum censum et bernam cum sin- gulis dampnis inde adauctis perceperimus plene et in toto.