276 ordei Slawatinensis mensure, et debent reponere in Patek aput procuratorem monasterii in curia circa festum S. Galli. Item judex, qui predictos homines jure predicto tenet, debet et tenetur solvere de precipiciis moncium 11/2 sexag. cum 6 gr. Et sic singulis annis in summa idem judex solvere debet de pre- dictis laneis 20 sexag. gr. pragens. minus 16 gr. divisim, 1/2 in festo S. Galli et 1/2 in festo S. Georgii; frumentum vero debet solvere secundum tenorem privilegii super ipsa locacione confecti. Privilegium reverse super Perucz continetur in hec verba et sequitur. In nomine domini. Amen. Jurgiorum mater oblivio solet futuris prebere litigandi materiam, nisi facta hominum litterarum testimonio deducantur ad memoriam posterorum. Noverint igitur universi presentem paginam inspecturi, quod ego Theodricus de Perucz a venerabili domino Gerardo, abbate ecclesie Montis Syon, que et Strahow dicitur, ac a conventu eiusdem partem bonorum ipsorum in villa Perucz sitorum, videlicet 17 laneos, quemlibet laneum 60 jugera continentem, quodlibet vero juger 1 strichonem mensure Prag. capientem [sic], theutunicali jure emi michi et meis heredibus, dans inantea domino abbati pre- dicto pro arra pro quolibet laneo premissorum 10 sexag. gr. pragens. sub talibus condicionibus infrascriptis, videlicet quod ego Theodricus et mei heredes singulis annis in perpetuum de quolibet laneo unam marcam censualem, 64 gr. pragens. pro qualibet marca computatis, et 6 strichones frumenti, videlicet duos tritici, duos siliginis et 2 ordei Slawatinensis mensure predicto monasterio nomine census persolvere debeamus in omnem eventum, videlicet in festo S. Georgii dimidiam marcam censualem et in festo S. Galli subsequenti dimidiam marcam similiter censualem cum frumento prenotato, ita dumtaxat [quod predictum censum integraliter in quolibet termino predicto domino abbati et conventui predictis in monasterio assignare debeamus, frumentum vero supranotatum magistro curie in Turssicz, qui pro tempore fuerit, per nostros homines assignare similiter teneamur. De rubeto vero ibidem, quod propter precipicia mon- cium arrari neque coli potest, ego ac mei heredes alteram 1/2 marcam censualem domino abbati monasterii predicti aut suis successoribus, qui pro tempore fuerint, solvere debeamus quolibet anno excusacione qualibet non obstante. Porro si moneta medio tempore fuerit inmutata, de quolibet laneo ego Theodricus ac