258 F. 19a. homines et eorum successores nobis et successoribus nostris bernam generalem, que per fora publice fuerit proclamata, quilibet eorum quinque gr. pragens. excepto Cubone de Radonicz, qui, quoniam diu gazam non habet, bernam non solvet ; sed cum habuerit eandem, ut alius solvere tenetur. De aliis vero robotis et omnibus quibuscumque tam aput nos quam aput successores nostros erunt liberi et exempti. In cuius rei testimonium sigilla nostra presentibus sunt appensa. Datum in monasterio nostro predicto anno domini M'CCC°LXXVII° in festo S. Galli. Privilegium super emphiteosi thaberne in Patek sequitur. In nomine domini. Amen. Quoniam humane fragilitatis condicio nequit omnia memoriter retinere, necessarium ergo existit et consentaneum racioni, ut si qua presentis temporis opera ad futurorum memoriam devenire debeant, hec perhen- nitatis munimine roborentur, velud est hominum et litterarum testimonium cum sigillis. Nos igitur Johannes, miseracione divina abbas, Nicolaus prior etc. totusque conventus monasterii Montis Syon alias Strahowiensis in Praga ordinis Premonstra- tensis tenore presencium recognoscimus universis presentibus et posteris, quod cupientes condicionem prefati nostri monasterii supradicti facere meliorem simulque attendentes urgentem et evidentem nostri dicti monasterii necessitate[m] maxime propter onera debitorum evadenda, maturo inter nos tractatu, consilio et deliberacione prehabitis, vendidimus rite et racionabiliter ac vendita pronuncciamus jure emphiteotico, quod wlgariter purkrecht dicitur, domum ac aream subsidis supra balneum in villa nostra Patek dictam Tirssisscze cum 4 strichonibus agrorum provido et honesto viro Swachoni dicto Swassek ac suis heredibus pro- 18 sexag. pragens., quas peccunias exposuimus et mox expen- dimus in labore piscine, que sita est ultra villam nostram Stra- donicz inter superiorem et inferiorem piscinam, cum omni voluntate et utilitate, qua ceteri nostri homines in dicta villa Patek fruuntur et pociuntur, perpetue et hereditarie possidendos, talibus tamen condicionibus expressis salvis et perpetue dura- turis: In primo quidem, quod dictus Swassko in domo ac area subsidis superius expressa habeat et habere possit thaberna[m], in qua juxta morem ac consuetudinem vicinarum thabernarum, videlicet in Kossczicz, in Krzessin et in Pocziedielycz cer- visiam et alia ad bibendum consweta possit propinare juxta