233 ibidem solvunt bernam generalem et dant in summa 8 sexag. gr., prout in ipsorum privilegio emphiteosi continetur. Et nota, quod predicta villa Vgiezdecz est commutata pro villa media Podmokl, prout in litteris super predicta commutacione con- fectis continetur. Item privilegium wille Vgyezdecz sequitur in hec verba ex parte monasterii Scti Georgii pro parte monasterii Strahowiensis. In nomine domini. Amen. Juxta temporum momenta per- transit hominis memoria, necessarium ergo est, ut ea, que ad permutacionis actus tendunt, litterarum testimonio roborentur. Nos igitur Anna abbatissa, Dorothea priorissa, Katherina kustrix totusque conventus sanctimonialium monasterii S. Georgii in castro Pragensi ordinis Scti Benedicti ad universorum tam pre- sencium quam futurorum cupimus pervenire noticiam, quod nos cupientes profectum et utilitatem nostri monasterii procurare, ut actus nostri monasterii a posteris nostris inveniantur pro- ficui et fructuosi, de consensu tamen serenissimi principis et domini, domini Wenczeslay, Romanorum regis semper Augusti et Boëmie regis, ac eciam speciali connivencia et voluntatis consensu reverendissimi in Christo patris et domini, domini Sbinconis, Scte Pragensis ecclesie archiepiscopi et aposto- lice sedis legati, nostri superioris, villam nostram Vgiezdecz dictam, versus Weronam prope willam Horzelycz situatam, cum 171/2 sexag. censuum divisim percipiendi, videlicet in festo S. Georgii 8 sexag. et in festo S. Galli 9 cum media sexag. annis singulis et temporibus perpetuis, cum judice serviente in equo et uno laneo libero ac eciam 8 sexag. berne regalis, quociens proclamata et collecta fuerit, cum omnibus et singulis ad ipsam totam villam pertinentibus ac pleno jure directi dominii, nichil nobis ac monasterio nostro in eadem villa penitus reservantes, cum venerabili in Christo patre et domino, domino Petro abbate. Nicolao priore, Thoma subpriore ac toto conventu monasterii Montis Syon alias Strahowiensis intra muros Minoris civitatis Pragensis ordinis Premonstratensis commutavimus, matura tamen et solerti deliberacione ac capitulari inter nos tractatu prehabitis et eciam amicorum fidelium et nobilium super hoc use consilio, pro media villa Podmokl ad predictum monaste- rium spectante, et hoc racione piscine ibidem per nos de novo nostri monasterii propter utilitatem constructe, quam abs- que prius dicti monasterii Strahowiensis et incolarum ibidem