98 Von dem Ulrich von Rosenberg Artikeln verwilligt, hat er sonderlich bei dem behmischen Volk auf seinen Herrschafften geordnet, auf daß daß Wort Gotteß gebredigt werde in der Rainigkait vnndt gerecht, auch die Niessung deß Sacrament deß Altarß vnndter baiderlei Gestallt allen geraicht werde; dahero nit ainmall vndter dem Volk das Disputieren, Zanken vndt Feindtseligkaiten, ia auch Rauf- hendel endtstanden seindt. Wie dessen Exempel in Wesseli geschah, alß mit dem Pfarern dasselbsten auf Befellich deß Herrn in der Khierchen verkindigt, wie auch mit Mikulanden Richter angedeutet wardt, daß der Leib vnndt Blueth Cristi den glaubigen Crissten in beder Gestalt sollte gegeben werden, daß der Herr solcheß mit Leib vnndt Guet deffendieren vnndt verandtworten wil. Nach zwaien Tagen kam zum Mikulando Richter aine Adlsperson nahmenß Liepaldt mit etlichen der Seinigen; hat auch sich betrofen, daß zue dem Richter der Wesseler Pfarer mit ainem anderen Pfaffen vnndter sie kommen waren, vnndt hebten an zue disputieren mit ainander wegen der Embfahung deß hochwurdigen Sacraments. Hierauf der Lipoldt die Pfarer mit allen ihren Gemainen fur Kheczer gescholten. Der Pfarer ver- andtwartet es, daß sie kaine Kheczer seien. Nach diesem der Lipoldt den Pfaffen beim Grundt erdapt vnndt seiner gniege geschlagen, die anderen des Lipolden Gehülffen zuer Wehr gegrieffen vnndt die Pfaffen todten wollten. Die Burger seindt zuesamen geloffen vndt haben die Pfaffen ge- wehrt. Darnach haben sie vor dem Herrn drumben zue thun gehabt, vndt dieweil dieß in dem Richterhauß geschehen, der Richter solches wol ver- wehren konnen, ist er von dem Herrn bestrafft worden. Dahero nit woll sicher, in den Schengheusern der Religion halber zue disputieren; dan offt erwachsen darauß Schleg vndt Rauffhandl. Obwoll der Herr von Rosenberg dennen Artikeln etwaß Lufft gegeben, so hat er doch alß von dem apostolischen Stuel vermahnter, die abczuewehren, dauon abgelassen vnndt nachmallen dieselben nit beliebet, sondern bey hochster Mögligkait die römische deffendiert vnndt verthaidigt, der Prager vndt Taboriter Pfaffen Lehr aber sich gewiederigt vnndt zue- nichtig gemacht. Dahero der Littauer Fürsst Zigmundt, [pag. 84] mit seinem Zuenahmen Coribut, den Herrn mit volgendem offenen Brieff ver- mahnet: „Sigismundus, von Gottes Gnaden Littauer Furst, von dem aller- durchleuchtigisten Furssten vnndt Herrn Herrn Alexandro, sonsten Wi- tolden, gotlicher Gnaden Lüttauer Fursten, Erforderter, zum Schucz vnndt Erledigung gotlichen Testaments vndt zue befriedigen vndt zue ordnen das Landt Behmen Gegebener vnndt von dem Herren-, Rütter- vndt Adlstandt, sowoll den Prager Herrn vnndt anderen Stetten, ingemain allen dennen dem gotlichen Testament Zuegethanen völlig vnndt sonder Verwürrung in Ainhöligkait Angenommener. Dem wolgebornen Herrn Vlrich von Rosen- berg endtbieten wier vnsere Gunst, Lieb vndt alleß Gueteß, begehrendt, daß er sich dem gotlichen Testament nit mehr wiedersecze, Gottes Warhait mit der Schrifft clar beczeügte nit wiederspreche vnndt die nit beenge, vnsers Herrn Vetters, deß grossen obbesagten Fursten, Landter nit verderbe, sondern daß er selbst personlich, oder aber ainen Geuol- mechtigkten diese kunfftige Pfingsten vn3 auff Prag gebe vnndt sende,