1341. 53 auch daß sie schon solche Sach an ihre Befreundte kommen lassen vndt die ersuecht, mit ihnen auf bestimbten Tag zu erschainen. Vnndt seind also wier zuer selbigen Zeit in vnser Khonigreich Behmen ankommen vndt seindt auch damallen auf vnserm Prager Schloß gewesen. Da khamb auch an der Troppauer Fursst Bolko fast mit allen schlesischen Fürsten vndt villen anderen gueten Herren. Die alle Fierssten zuesamben haben sich zue dem Furssten Bolko bekandt alß zue ihrem Vettern. Vndt der Peter hat auch seinerseits gehabt fast alle die behmische Herren vndt die Grauen von Schaumburg, Grauen von Schwarzenburg vndt vil an- dere Grauen vndt osterreichische Herren vndt auß anderen Lendern, mit dennen sich noch seine Vorfahren befreundt haben 87) durch Ehestandt oder Ehestandt (sic). Hat auch mit ihme gehabt den durchleuchtigen Furssten Gabrielem de Vrsinis vndt den Herrn Jordanum Knizie de Hanibalis, seine Vetter, die anstat vndt im Nahmen aller anderer bey ihrem Vetter, vorbesagtem Petro, vndt seinem ganczen Geschlecht gestanden seindt. Dahero haben wier dieß befunden, daß er ihr Vetter seye mit allem seinem Geschlechte, vnndt daß nach Zerstorung der Stat Rom nit ainerley, sondern manicherley Fürsten außgeczogen sambt ihr Haab vndt Gueter (sic), Weib vndt Khindern in vndterschiedliche Lander vnndt Gegendten vndt alda in Gebürg vndt Wäldern ihnen gelegene Orter zuer Wohnung aufgericht, vndt wie daß in etlichen diesen Lendern gewesen sein Wild- nussen vndt lähre Orter, die Erdte vnfruchtbar, alda sie mit ihrem Ge- sindt vndt Dienern die Herrschafften ihnen erbauet vndt erhebt haben. Zue diesem gedachter Bolko vndt seine Vetter sagten, daß sie nit gewust haben von diesen seinen Vettern vndt daß er Herr Peter auß ihrem Geschlechte sei, darumben, dieweilen er sich schreibet nur gleich anderen Herrenstandts deß Khonigreich Behmen, vndt schreibt sich nit auß den Vrsinis, sondern schreibt sich Petr von Rosenberg. Aber wier alle schreiben vnnß schlesische [pag. 33] Fürssten vnndt ihne fur nit mehr alß fur einen Herrn deß Konigreich Behmen haben. Aber er hat gesagt, daß er so guet sey alß ich oder meine Veter, die schlesische Furssten, vnndt besser; wollten gern wissen, wie er dieß der Warheit gemäß erweisen kan. Der Peter andtwartete darczue: „Waß ich vorhin geredt hab, sags noch vnndt erweisen wil; dan die romische Fursten elter vnndt besser seindt alß die schlesische Fürsten, genuegsamb neulich erhebt vnndt ge- macht, wie Eur Durchleuchtigkait wol weist vndt undere vill ehrliche Leuth. So haben sie auch solche Freyhait, daß sie frey seindt wie andere Fürsten, die frey seindt, vnndt habens von den romischen Khaisern vnndt behmischen Konigen. So seindt auch vnser Geschlecht vndt Herr- schafften frey, gestalt vnsere Priuilegien außweisen, die Eur Durchleucht, auch andere mehr vil guete Leuth gesehen haben. Vnndt wie ich gesagt hab, daß ich so guet bin oder besser, das hab ich geredt, dieweillen wier vnnß erwöllen den Khonig, gestalt wier Eur Durchleucht vnnß fur vnseren Konig vndt Herrn deß Konigreich Behem erwöllet haben. Sie aber seindt Eur Lehenßleüth alß Konigs vnndt der Cron Behmen vndt vnserer alß 87) Glossator I: Hoc dolendum, quod non sit expressius.