74 CXII. 1436, Feber 8. Seite 46. Anno domini M° ccCc° XXXVI. Hannus Ramyssch wegen mit Peter Czanter. Wir Hannus Pedik foyt czu Kempnicz vnd Petir Waczla burgermeyster, Nickil Sebinkegil, Nickil Schonbusil, Niclas Eycheler, Kempniczer Schuster, Pesch Laureyn, Sigemund Harnyss, Niclas Becke, Hannus Bouer, wir gemeyne der schepphen bekennen offentlich in disem stat buche, das vor vns komen synt Hannus Ramyssch vnd Petir Czantir vnser mitenacbuerin vmme den an val von Peterz Ramyss kynthz wegen. got genade der zelin. vnd han eyn gancze berich- tunge gehat vmme den an val vor gehekgter banck, do alle dyngk craft vnd macht habin, also, daz Petir Czanter hat gegebin vnd beczalet vnd abegericht v sex. gr. Pragisscher mvncze von des Peter Ramyss kyndes wegin an val dem Hannus Ramyss. vnde dy vorgenanten v sex. gr. sint komen in Hannus Ramyss guter vnd erbin. vnd daz Hannus Ra- myss vorbas gancz gar los vnd ledyk vnde fry an alle an- sproche gelasen hat vnde lesit Petir Czanternn vnde Petirz Czanterz gutir vnd erbe ny vnd nymmer me dor yn czu reden. auch hat Hannus Ramyss globit vor syne eliche kynder, daz keyns nymmer me jnne Petirz Czanter guter reden sal, noch mit keynen rechten inne Petirz Czanter guter tedigen ader anfangen mak, sunder dy obengeschriben rychtunge gehalden sal werden ewiclich vor eyne gancz gar berichtunge von Hannus Ramyss mit Peter Czantern. daz do geschen ist noch Cristi geburt tusent jar fyrhundert iar jndem xxxvI iar an der nestin mytte woche noch der heyligen Junchvrow Dorothea tag.1) 1) 8. Feber.