1272. 5 [32.] Abt Gottfried von Strahow überlässt das Dorf Stankowitz sammt Zubehör den Brüdern Sybodo und Albert Hisman und ihrem Anverwandten Antonius — Saazer Bürgern — in erblichen Besitz gegen einen Jahreszins und andere Verpflichtungen. 1272 März 27. Strahow. In nomine domini amen. gesta fidelium, que geruntur in tempore processu temporis per oblivionem de facili a memoria labuntur succedencium, nisi robur innacitatis recipiant aut a viva voce testium seu fideli testimonio litterarum. noverint ergo universi presentes et posteri pre- sentes litteras inspecturi, quod nos Godefridus, dei paciencia abbas ecclesie Montis Syon, que et Stragov, ordinis Praemonstratensis Pragensis diocesis, de scitu et consensu conventus nostri viris honestis Sybodoni et Alberto germano suo, filiis honesti viri Henrici cognomento Hisman, et Antonio consanguineo ipsorum, civibus in Sacz, ac liberis eorundem villam ecclesie nostre dictam Stancowicz, sitam circa Sacz, cum agris, pratis, silvis, pomeriis, ortis cum dimidio rivo nomine Huchin et dimidia pallude nomine Nablatine et flumine, quod Egra vocatur, cum utraque ripa a prato, quod Pomnus vocatur, usque ad monachorum vadum, prout in antiquo privilegio pie memorie domini Wenceslai quondam regis Boemie super hoc confecto plenius continetur, jure here- ditario in perpetuum concessimus possidendam, tali interposita condicione, quod ipsi et liberi ipsorum post eos, qui dicta bona tenebunt, ecclesie nostre decem et octo talenta et dimidium talen- tum et triginta denarios Pragensis monete in festo beati Martini loco census annis singulis inde solvent, quem censum, si infra quatuordecim dies proxime subsequentes non solverint, ex tunc ad duplum videlicet ad triginta sex talenta in pena negligencie tenebuntur. et si ad huc infra alios quatuordecim dies continuate sequentes dictum censum cum pena jam premissa non solve- rint, extunc ad bona nostra nos tenebimus contradiccione qualibet non obstante, quousque censum suum cum pena duplicata persolvant. dictum autem censum in dicto festo beati Martini ex integro annuatim qualibet excepcione seu quibuscunque eventibus exclusis persolvent, hoc dum- taxat excepto: quod si aliquis princeps alienus potenti manu terram hostiliter invadens, quod absit, dictam villam cum provincia Zacensi destruxerit, aut si dominus rex integro exercitu congregato hostibus suis occurrens per quinque dies in civitate seu provincia Zacensi pro defensione regni sui jacendo dictam provinciam cum eadem villa devastaverit, a solucione census erunt liberi anno illo. porro si tempore procedente dicta bona vel aliquam partem ipsorum alicui vendere voluerint alieno, ea nobis seu nostro successori, quicunque nobis pro tempore successerit in regimine ab- bacie, exhibebunt primitus ad emendum. quod si ea emere voluerimus nihilominus, ipsa bona vel aliquam partem nulli nobili nullique militi, sed simpliciter vendent colonis agrorum residentibus seu residere volentibus ibidem. ad hec nos et successores nostros semel vel bis vel ter in anno, quando per eos contigerit nos transire cum decem equitaturis recipere et congrua honestate pertrac- tare tenentur, et liberum nobis erit, ad cuiuscunque domum ipsorum vel liberorum suorum volue- rimus hospitandi gracia declinare, similiter et nuncium ecclesie nostre, qui singulis annis ad eos pro censu venerit colligendo, cum quinque equitaturis debent recipere sibique providere in expensis congruis, quamdiu pro colleccione census moram fecerit apud ipsos. preterea jus patronatus in ecclesia ibidem cum laneo, qui est dos ipsius ecclesie, jurisdiccioni nostre specialiter reservamus. ut autem hec omnia rata et inconvulsa ex utraque parte permaneant et aditus calumpniis impo- sterum precludatur, presentes litteras super hoc confectas ipsis dedimus nostri specialis et con- ventus nostri sigillorum munimine roboratas. acta sunt hec anno domini MCCLXXII. in domi- nica oculi in Stragov, presentibus iis fratribus nostris: Henrico priore, Syfrido subpriore, Engelrico celerario, Jordano magistro in Radunicz, Godefrido plebano in Muta, et Johanne, sacer- dotibus, Cunochone, preposito domus, et Godefrido, magistro in Hugonicz, fratribus laicis ecclesie nostre. testibus autem ex parte ipsorum Wrowino, Ottone dicto Cinere, Cunczone, camerario 1272 März 27.