6 reformationis archivorum Schwarzenbergensium anno 1827 in certum ordinem digesta anno 1963 diligenter recognita et inventario nec non indicibus aucta est. 4. Historica: Hic fons est magna collectio documentorum diversae originis et argumenti, quae ad res gestas, oeconomiam, historiam iuris, ecclesiae, ingenuarum artium in terris Coro- nae Bohemicae, immo in media Europa inde a saeculo 13. usque ad medium 17. saeculum mi- rum quantum lucis afferunt. Fons a Venceslao Březan exeunte 16. saeculo conditus eius, qui nunc est, ordinis fundamenta et lineas annis 1828—1832 accepit hortante Francisco Palacký, qui anno 1826 archivum Trebonense investigandum aggressus est. Omnia documenta serie temporis ordinata sunt. 5. Klášter Želiv (Monasterium Siloense)4): Archivum monasterii Praemonstratensis in Telczensi archivo regionis olim depositum et deinde mutatis limitibus regionum Brunam trans- latum anno 1962 Trebonam vectum est, ubi hodie asservatur. 6. Minoriti Český Krumlov (Fratres Minores Krumlovienses): Archivum ecclesiae et monasterii anno 1357 a fratribus Petro, Jodoco, Johanne de Rosenberg conditi anno 1950 Trebonam portatum est, ubi in ordinem digestum. 7. Rodinný archiv pánů z Hradce (Archivum familiae de Nova domo): Haec documenta ad grandem gentis Novodomensis prosapiam, cui nomen Vitkovci erat, pertinent. Prima mentio archivi anno 1418 facta est, quo tempore in monasterio Sanctae Coronae asservabatur. Saeculo 16. potiores litterae et rationes in quodam camerato loco depositae esse traduntur. Litteras No- vodomenses 17. saeculo Bohuslaus Balbinus Societatis Iesu evolvit, anno 1673 tabulae 119 do- documentorum huius archivi elucubratae sunt. Conatus fontis secundum materiam dividendi anno 1681 susceptus successu caruit, inventarium 9. Ianuarii 1693 scriptum parum accura- tum est. Ne ea quidem inventaria, quae annis 1737 et 1776 facta sunt, utiliora esse videntur. Meliorem ordinem V. Postelt 31. Decembris 1811 proposuit, qui archivum a registratura accu- rate separavit, neque tamen assecutus est, ut totus fons in optatum statum redigeretur; annis demum 1820—1822 lucubrationes ad corrigendum archivi ordinem pertinentes inchoatae sunt. De documentis recte digerendis F. Tischer archivarius optime meritus est, qui fundamenta prae- sentis status archivi (quod nunc Novae domi asservatur) posuit. 8. Sbírka (Collectio): Litterae ex archivo familiae Cernin exemptae huic collectioni No- vodomensi tributae sunt. 9. Velkostatek Český Krumlov (Possessio Krumlovium): Fons inter archiva possessionum Bohemica maximus ab exeunte demum 17. saeculo integer servatus est, cum ex saeculis 13.—15. paucissimas litteras contineat. Maximum detrimentum annis 1850—1854 cepit, cum documenta ad res patrimoniales spectantia magistratibus publicis tunc inauguratis tradita sunt. Quorum documentorum pars anno 1957 fonti restituta est maiore tamen parte ita deperdita, ut inveniendi spes penitus sit adempta. Materiae cognitionem repertoria indicibus aucta adiuvant. Fons in archivo Krumloviensi asservatur. 10. Velkostatek Hluboká n. Vltavou (Possessio Hluboká supra Multaviam): Archivum inde ab aetate dominorum de Schwarzenberg servatum est, praecedentis vero temporis pauca testimonia possidet, quae a medio 14. saeculo incipiunt. Anno 1682 archivarius fontem in me- liorem statum redigere conatus est, de recto tamen documentorum ordine Forch et Battista de- mum bene meruerunt, qui annis 1813—1817 archiva Schwarzenbergensia reformabant. Do- cumenta inde ab anno 1926 Trebonae habentur. 11. Velkostatek Jindřichův Hradec (Possessio Nova domus)5): Archivum documenta inde ab exeunte saeculo 15. continens forte aliquot copias antiquiorum litterarum acquisivit. 12. Velkostatek (Possessio) Libějovice: Hic locus varios possessores expertus est, donec 4) J. Adámek, Řád premonstrátů Želiv. Inventář 1/210. Třeboň 1965, adhuc in ms. 5) L. Tischler — L. Zeman, Velkostatek Jindřichův Hradec (1255), 1487—1947, (1949). Inventář, Třeboň 1968, adhuc in ms.