76 Regesta aetatis Venceslai IV. 161) 1387 aug. 22. s. 1. Johannes de Rozmberg, Borsso, archidiaconus Bechinensis, atque Hostislaus, plebanus ecclesiae in Chrumpnaw [Ceský Krumlov] et decanus Dudlebensis, arbitri iudices et compo- sitores electi super dissensionibus et litibus, quae inter Ottonem abbatem1) et conventum mo- nasterii in Altovado [Vyšší Brod] ex una et Przybykonem, plebanum in Przyedol [Přídolí], parte ex altera decimarum ibidem solutionis causa vertebantur, ordinant, ut abbas et conventus de quolibet 18 laneorum in Przyedol decimum tritici, siliginis, hordei atque avenae ab incolis vel rusticis accipiant, plebanus vero eiusque successores unam tinam siliginis et unam tinam avenae in grano triturato pro decimis capere debeant. Sigg.: I. Johannes de Rozmberg2); 2. Borsso, archidiaconus Bechinensis (statura cuiusdam sancti in globo stantis, qui in sinistra quasi agnum in circulo apparentem tenet); 3. Hostislaus, plebanus in Chrumpnaw (imago valde attrita); 4. Przybislaus, plebanus in Przyedol (imago attrita). Orig. perg. Lat., TŘ, Cist. Vyšší Brod, HA, sign. 93/II. 1) [IV.J. — 2) Imago sig. in n. 6 sub 3. 162) 1387 aug. 24. Jindř. Hradecl). Johannes2), langravius de Leuttemberg [Leuchtenberg], comes de Hals, super litibus inter Ulricum de Rosemberg, fratrem uxoris suae3), ex una et dominum Hertweig Dagenberg de Weissenstein [Weisstein] parte ex altera occasione Johannis de Wilhartitz [Velhartice], liberorum eiusdem et castri Wilhartitz pendentibus hanc sententiam promulgat: partes praedictae sibi adinvicem porro controversias priores nullo modo commemorant; dictus Hertweig Anuskam, filiam Johannis de Wilhartitz, quam apud se habet, in castrum praetactum mittat nec non eandem una cum castro dicto Ulrico tradat; idem ab Ulrico deinde nihil petere neque eundem ulla ratione monere debeat; res, quas Hertweig in dictum castrum advexit vel misit, ad neminem nisi ad ipsum spectent, qui easdem deportare possit, quocumque voluntati ipsius placuerit; arma, res atque litteras ad Johannem de Wilhartitz eiusque liberos pertinentes, quas Hertweig in dicto castro invenit, Ulrico memorato una cum castro condescendantur; qui Ulricus vero Hertweig 1000 sex. gr. den. Prag. restitutionis nomine pro pecunia in castri Wilhartitz repara- tionem impensa in Passaw [Passau] vel in Hals ponat. Sig. Johannis, langravii de Leuttemberg. Orig. perg. Germ., TR, Cizí statky I, n. i. 742. In orig.: 1) Gretzen. — 2) Johanns. — 3) Ulrich; [Macelae ]. 163) 1387 oct. 2. Pragae. Johannes de Michelsperk [Michalovice] promittit omnia, quae arbitri arbitratores Johannes, langravius de Leuchtemberg, ipso absente Puota de Czastolowicz [Castolovice] vel Hawlico de Zwyerzeticz [Zviřetice] aut Hermannus de Nova domo [Jindř. Hradec], ipsis absentibus vero Ulricus vel Johannes, fratres eiusdem, sibi in castro Wellesschin [Velešin], quod regi Bohemiae infeodatum est, seu in bonis eidem castro adiacentibus in usum Ulrici de Rosemberg et Henrici, nati eiusdem, convertere praeceperint, inviolabiliter observare nec non dicta bona a qualibet impetitione Johanczae de Meysaw Maissan, filiae suae, quae in Austriam tradita est et litteras autenticas super dotalicio in aliquibus bonis ad castrum praetactum spectan- tibus habet, per medium annum disbrigare, aliter vero damnum, quod domini praetacti propter dictum dotalicium acceperint, paratis in pecuniis cum tertiae partis augmento restituere.