8 digesta magnum detrimentum ex crebris sedium permutationibus capiebant, donec anno 1955 una cum archivo Novocastrensi Trebonam translata et novo ordine distincta sunt. Litterarum originalia et copiae sine ullo discrimine una et eadem serie temporis instructae separatim tamen a ceteris fontis partibus habentur. 18. Velkostatek (Possessio) Sedlec: Monasterii Cisterciensis in pago Sedlec apud Montes Chutnos anno 1142 conditi, anno 1783 dimissi possessio anno 1788 fonti ad administranda bona ecclesiastica instituto commendata est, cum ecclesia monasterii eodem anno esset clausa. Quae possessio anno 1819 a mareschalco Carolo Philippo de Schwarzenberg empta usque ad leges agrarias novissime latas a gente illa tenebatur, cum in aliquot praedia tabulis terrae inscripta tempore procedente divisa esset. De materia ordinanda capellanus F. Tyl bene meruit, qui repertoria litterarum et manuscriptorum elucubravit et e diversis sectionibus cancellariae cen- tralis Pragensis partem documentorum desideratorum recuperavit, quae deinde in arce Orlik habebantur. Archivo Orlicensi abolito fons Trebonam missus est. 19. Velkostatek Třeboň (Possessio Trebona): Hoc archivum maximus et potissimus fons est eorum, qui Trebonae asservantur, cum totius archivi Trebonensis quasi fundamentum et caput esse videatur. Constat autem documentis, quae ex cura rei rusticae et totius dominii modera- tione exstiterunt. Varios dominos, sicut et possessio ipsa, archivum expertum est a Rosenber- gensibus per Swambergenses et imperiales curatores infelicis memoriae usque ad dominos de Schwarzenberg, quorum imperium Johannes Adolphus anno 1660 illic condidit. Fons annis 1815—1825 Karolo Battista moderante ordinatus pretiosissimam 14.—20. saeculorum ma- teriam praebet, quae ad dominiorum et rerum patrimonialium historiam cognoscendam maximi est momenti. 20. Velkostatek (Possessio) Vimperk8): Vetustiorum huius fontis documentorum nume- rus ex opera et actionibus eorum, qui possessioni praeerant, paulatim crevit. Fons annis 1803— —1807 secundum normam Schwarzenbergensem ab archivariis Forch et Battista elaboratam in octo classes divisus et ex arce Vimperk, ubi antiquitus asservabatur, mense Septembri 1955 Trebonam latus anno 1962 archivo, quod est Krumlovii, traditus est, ubi adhuc conspicitur. 21. Vrchní úřad Český Krumlov (Magistratus superior Krumloviensis): Fons ex opere et actionibus magistratus superioris Krumloviensis exstitit, qui capitaneis vicinorum domi- niorum Eggenbergensium et Schwarzenbergensium praeerat. J. Záloha censet magistratum non ab Eggenbergensibus, ut alii historici affirmant, sed iam a dominis de Rosenberg esse condi- tum. Hic fons archivariis Forch et Battista suadentibus anno 1795 ordinari coeptus (quod opus F. Kainka anno 1820 finivit), anno 1829 divisus, anno 1931 in pristinum iam statum restitutus Krumlovium devectus est, ubi adhuc servatur. 22. Vrchní úřad Hluboká nad Vltavou (Magistratus superior Hluboká supra Multaviam): Fons opera moderatorum oeconomiae superiorum exstitit, a quorum ultimo etiam „archivum Friedl“ appellabatur. Magistratus superior anno 1758 ad inspiciendam oeconomiam dominio- rum (et vetustiorum Schwarzenbergensium et recentiorum post Eggenbergenses hereditate ac- ceptorum) institutus anno 1791 esse desiit. Cum aliquot conatus fontis ordinandi secus cessi- ssent, anno demum 1817 totum opus prospere ad finem perductum est, quo tempore et ordinem archivi possessionis Hluboká restitutum esse constat. Una cum hoc archivo fons post finem belli gentium primi ex arce Hluboká, ubi antiquitus asservabatur, Trebonam latus mense Iunio 1941, cum fontes Schwarzenbergenses centrales coniungerentur, archivo Krumloviensi receptus est. 23. Vrchní úřad (Magistratus superior) Netolice: Est re vera pars fontis Vrchní úřad Český Krumlov (Magistratus superior Krumloviensis) 9). s) J. Záloha, Velkostatek Vimperk. Staré oddělení 1314—1798 (1804). Inventář II/ČK 59, Třeboň 1968. *) Vide n. 21. Gratias ago viro docto J. Záloha, qui me huius rei monuit.