Bruchstück des Graupner Bergbuchs von 1512. 3 Hie folget der schid, davon oben gemelt. [1b.]) Von gots genaden wir Heinrich, herzoge zu Sachsen, lant- graff in Doringen und margraff zu Meissen, hirmitte menniglichen tun kont, als unser liber getrauer Hans Monzer der jun- ger auch unsere liben getrauen Steffan Alnpecks seligen gelassene erben umb virhundert reynische gulden hauptsumma, di ime etwan von der erbarn tugenthaftigen unser liben besondern frauen Barbaran von Weyssenbach in irem testament oder letzten willen bescheiden, und benanter Steffan Allnpek als innehaber und vorwalter der bergteil uffm Mockenberge als hutten und der molen an der Moglitz in der herschaft Lauenstein Her- man von Weysenbachs in angezeigter vorwaldunge uff genants Hermans von Weissenbachs beger uff sich genommen, sampt dreihundert reynisch gulden abenutzunge uff funfzehn jar lang vor uns in anspruche gezogen und gedachte Steffan Alpecks erben widerumb durch glaubwirdige reces und schides briffe vor getragen, das Hans Montzer der elter, des itzigen clegers Hansen Montzers des jungern vater, irem vater Steffan Alnpeckn seligen nach letzter gehaltener rechnunge dreitausant neunhundert virund fünfzig gulden sechzehn groschen vir pfennige schuldig bliben, der vertrostung, der junge Hans Montzer und andere seine geschwister solten als eliche, rechte erben des eldern Hansen Montzers, ires vattern, inen solliche hinderstellige schult zu erlegen vorpflicht sein, doraus sich di clage und widerclage unsers ermessens in beschwer¬ liche weitleuftikeit hat zihen wollen; derhalben wir st beiderseits derselben zu entheben mit irem willen und wissen durch di wol- wirdigen und ernvesten unsere rete, liben, andechtigen und ge¬ trauen, ern Georgenvon Rodschitz, canzlern, und Inno- cencien von Starschedel, marschalk, berurter irer irschwe- benden gebrechen noch vorgehnder genugsamer vorhor und be- wegung gutlich haben entscheiden und vortragen lassen,/ beschei Bl. 142. denlich also, das Steffan Alnpecks erben Hansen Müntzern dem jungern vor alle seine zusprüche uff heut dato disses schides fünf- undzwanzig reynisch gulden geben und auf negstkonftigen sontag misericordia domini [5. Mai] des stbenundzwanzigsten jars fünf- hundert reynische gulden an gutter, ganghaftiger sechsischer fur- chenmonze alhie zu Freybergk in unser canzlei niderlegen und ane idermans wegerung oder hindernus ime oder seinem gevolmech¬ tigtem anwalden entrichten sollen. Darkegen sol Hans Montzer Bl. 142.