12 Bruchstück des Graupner Bergbuchs von 1512. den alden vorligen meulen an schaden, monntag nach der heilgen dretfedicket [1. Juni] im rrrit. Bl. 151. Berkbuch in Weingerten im rrxil. Bl. 151'. [37.] Assman Schuercel hot uffgenomen enne fontgreube sampt enner nesten mos ausderhalben der firung des stollen in Weyngarten ken Wolf Knobloch zu uff alle metalle sonitag noch Mertine [17. November 1532]. [38.] Anno domini in roc und in rrxtii. jare sonnobent noch dem neuen jare [4. Januar 1533?] ist erschinen der ersame Nickel Teuffel, burger uff Graupen, eines teils als keifer und WoIf Schuarezhans des ander teils als vorkeifer alzo in sulcher gestalt, das Nickel Teuffel den Wolf Suarczhans hat abegekauft seine teil, di halbe grobe di ubre nechste mos noch Lorenz Si- ber, welche di Barfus zuvor innegehabt haben, wies uff den berge steit und leit, mit allen gezei und vorrott; git umb di umb ein ß. xlv g. Solche suma soll der obemelte keifer uff nechst smel- zen 1 ß. den Lorenz Syber entrichten und bezallen und di uber mos als xlv. g. auch Lorenz Syber uffs ander folgende smelzen und so Lorenz Syber von wegen Wolf Suarczhans vorgenugen. Zu warer urkunt und sicherheit und vester haltung haben st alle dret, Lorenz Syber, Nickel Teuffel, Wolf Suarczhans, gebetten den ersamen CasperStengel, geschworner bergmeister, ins berg buch zu vorzeichnen. Actum ut supra. [39.] Uff heut sonnobent noch Simon unde Jude [31. Oktober] im rrxiii. hot sich Nickel Theuffel bewilliget, dem Lorenz Syber zu bezallen, wi vor vorzeigent, 1 s. uff osteren nestkondig unde di xlv g. uff sent Johanis nestfolgen auch zu geben. [40.] Uff heut freitag noch corbris Cristi [28. Mai] im rrxv. jor hot Greger Bym di ober neste mos noch den Kranz vormessen lossen, i wer mer en werher in di virunge getel, ix lochter ju uff en wer getel; sol di mit dem stolart bauhaffdik helden. [Durch¬ strichen.] [41.] Merher hot her uffgenomen i wer unde vormessen lossen ausderhalben der virung des Kreuz uff der Weyssen Klufft; wil her mit en kerschlag doran brechen; ist im nochgelossen, diweil her en schweren bau hot, sut her en kergeschik erlenget. Geschen wi oben. [Durchstrichen.]