1424 77 Johannes Polomecz nos requisiuit, quatinus eleccionem de ipso factam confirmare dignaremur. Nos de dicta eleccione cridam in locis, vbi nobis vtilius videbatur expedire, fieri fecimus diem certam omnibus, qui se dicte eleccioni vellent opponere, pro termino peremptorio statuentes. In quo termino Mauricius Ma- chuta, procurator generalis consistorii Prag. ac prescripti fris Johannis Polomecz procurator legittimus, littera cride exhibita contumaciam omnium, quorum interest, non comparencium accusauit eleccionemque antedictam confirmari petiuit; ex ad- uerso vero comparens fr. Bohuslaus de Zdiar, per nonnullos fratres similiter dicti monasterii ad dictam abbaciam electus, prout ex decreto eleccionis sue per ipsum producto constabat euidenter, se dictis institucioni et confirmacioni opposuit, dicens sibi melius jus competere ad dictam abbaciam, petens sibi per nos statuere terminum ad dandum de iure competentem. Nos vero difficultate negocii considerata ipsum negocium eleccionis et confirmacionis cum omnibus coram nobis deductis et productis ad d. Johannem, episcopum Olomucensem, administratorem in spiritualibus archiepiscopatus Prag. cum partibus prenominatis duximus remittendum terminumque certum eisdem partibus ad representandum se coram dicto d. episcopo statuentes. Demum vero termino representacionis pendente veniens prefatus fr. Jo- hannes Polomecz quandam litteram commissionis missiuam clausam a d. episcopo Olomucensi emanatam coram nobis ex- hibuit huiusmodi sub tenore : Johannes, Dei gracia episcopus Olomuc. administrator eccl. Prag. venerabilibus dd. Johanni Kralouicz decano et Johanconi, canonicis eccl. Prag. vicariis nostris in spiritualibus archiepisco- patus Prag. amicis nostris carissimis. — Venerabiles domini et amici carissimi. Honorabilis et religiosus d. Johannes dictus Polomecz, professus monasterii Porte Apostolorum, veniens ad nos erhibuit nobis instrumentum eleccionis sue in abbatem ibidem et asseruit, quod vos secundum eandem eleccionem dedistis sibi cridam. Hiis igitur auditis nos representauimus eum serenissimo principi domino nostro regi, qui in eundem consensit. Idcirco nos remittimus prefatum d. Johannem ad vos, ut eundem confirmetis auctoritate nostra in abbatem seruatis seruandis iuribus et consuetudinibus ab antiquo tentis, nisi impedimentum canonicum interueniret, ad quam confirmacionem et alia inpedimenta, si que interuenerunt in eleccione et obmissa sunt, auctoritate nostra suppleatis, quam vobis in hiis scriptis damus et conferimus, tanquam per nos expedirentur. Datum Bude dominica die ante Cathedram sancti Petri.