11 nachdem es schwer ist in gehorsam Zutretten, anderst den nach ordnung der heylligen Christlichen Khirchen. Vnd wiewol wir noch nicht genzlich mit vnsern gnedigen herrn vnd Brueder dem Römischen Khayser vereinigtt sein, So wollen wir solch eur treu vnd auch die gerechtigkheit des stammes von Ossterreich in Sinne behaltten, vnd bey vnserm herrn vnd bruedern obge- nant, auch bey vnserer landtschafft von Össterreich die Sach mit solchem vleis arbeitten, dadurch Gott die weltt vnd Ir vnsern Ernst erkhennen wer- det, des soll an vns mit Gottes hilf immer gebeuch gefunden werden. Geben Zu Wien am Montag nach S. Veitstag Anno 1458. Aliæ Literæ. Albrecht von Gottes genaden Herzog von Ossterreich oc. Dem Edlen Vnsern lieben getreuen, hinckho von Vettau Vnserm Ratth. Edler lieber getreuer, Als du uns iezt geschriben hast, wie du nicht gehn Iglau khomen habest mögen oc. Also haben wir auf heut warlich ver- nohmen, das die feindt aus dem leger vor Iglau aufbrochen sein, dauon be gern wir noch an dich fleis Zu thun hinein Zukhomen, vnd vnser beuelch die von vns vormals beschehen, nachzugehen, dardurch die fromen leutt nicht verlassen werden, Wir hetten dir auch langst auf dein schreiben geantworttet, so sein wir stets in vnterreden mit vnserm lieben herrn, vnd beuedern dem Römischen Khaiser gewesen, die noch nit Zu ende khomen sein, Mit dem wir den botten bei vns also lang behalten haben, vnd sein auch in hofnung vnser Sachen Zuschickhen, damit wir den fromen vnd Christlichen leutten statlich Zu trost khomen mögen. Dauon so wollest deinen guetten Vleis hinein Zu- khomen thun, das wollen wir gegen dir vnd allen so bey dir sein, in gnaden erkhennen. Geben Zu Baden an S. Peterstag Vincula. Anno 1458. Albrecht von Gottes Genaden Erzherzog Zu Ossterreich vc. Dem Edlem Vnserm lieben getreuen heinrichen von Vettau unserm Diener. Edler lieber getreuer, Dein schreiben vns gethan haben wir vernohmen, vnd lassen dich wisßen, daß wir etwas beschwerung haben in dem, das du so lang hervor ligt, nachdem vns botten vnd andere hinaus vnd hinein Zu Iglau khomen, danon begeren wir vnd empfehlen Dir auch ernstlich, das du weg vnd weil füernemest, vnd dich nach vnsern heisßen hinein füegest ohn verziehen, das du woll thuest Zu Zeitten, vnd daselbst das beste thuest, Als wir dir das empfolhen, vnd auch des ein sonder ganz vertrauen Zu dir ha¬ ben. Wir werden vns auch iezt auf denn nechsten Freytag von stund an Zu Veld fuegen, den feinden widerstandt Zu thun. Darnach wiße dich Zu- richten. Geben Zu Wien an S. Lorrenzen abent. Anno 1458.