LISTINY Z DOBY PŘEDHUSITSKÉ A HUSITSKÝCH VÁLEK 349 wen czu Tetschen. Geben wir auch den eitgeschwornen macht innungen vnd czechen den hantwerken machen, busen doruff czu setczen der stat czu vromen, ydoch mit vnserm rate und vormachunge. Auch di buswerdigen, di ken der stat vorbusen noch trawen noch andir stete gewonheit vnd recht, bessern der stat czu vromen. Sunderlich wellen wir, das di eitbaren nu obir vier wochen czuzeen czu den hantwerkern, vleis- chern, becken und kreczemern, das dem armut vnd der gemeine gleich gesche. Wellen wir kreftiklich und genczlich, das vorbasine zo wol alz bei vnsern vorvarn, den Got gnade, kein hantwerker, wedir schuster, smed, sneider, becke, kreczemer, melczer adit was hantwerges er were, wi man das nennen mochte, auswendig der stat wone in der meile. Sal auch ir statbuch volkomelich vnd gancze kraft haben noch ausweisunge Luthmericzer statrecht vorbas zo wol zain bey vnsern eldern, den Got gnade. Auch sullen ire statgnisse, spilgelt, ufgabe, innunge, busen, brifgelt noch irem rechten vnd alden gewonheiten noch ausweisunge der obirsteter vorsich geen ungehindert der stat czu vromen. Wellen wir auch, das off ire gemeine von des stat pharrers weze heruf newen der Elwe obir den Quaderberg off den engern vmb di stat nymandes vort hege, hawe noch vych hu‘te in keiner weize, is sei denne mit irem willen vnd der stat czu vromen. Di ecker adir erwe in der awen gelegen, di czu der stat schossen, sullen bei alle deme rechte bleiben, alz ire brife beweisen vnd alz si von alder heer gehabt haben. Di heuser, di mit deser stat aus geuer wusten leider durch wassers gewelde gesaczt sein, sullen bei deser stat in irem geschosse vnd burgerrecht bleiben alz vor alder vnd sullen der berne vnd alles gebawer rechtes obirhaben bleiben. Auch sullen di garten, di von alders czu der stat geczinst haben vnd noch czinsen, der stat czinshaftig blei- ben vngehindert von vns und vnseren nochkomenden. Meer welle wir alle dorfer, di bei vnseren vorvarn vereinite czu der stat gebin, das di noch vnd vorbasine geben sul- len zo vil, alz alde recht ist. Sullen si denne vns vnd vnseren nochkomenden alle jore czu rechtem geschosse vumfezig schok grosschen in vnser kammer reichen vnd geben, ydoch sal in doran abegeen vnschedelich, was vorweist ist von vnserem liben vater, dem Got gnade, adir noch vorweizet mochte werden zolange, bas das wedir gelost werde. Noch eins wellen wir das vorbasine vnsere hauplute alle jare noch gewonheit an der stete uff gewonliche czeit nawe schepphen setczen sullen. Auch sullen di schep- phen vortme nicht orteile sprechen auswendic gehegeter bank, vnd do is recht ist. Sol auch der briff, den in vnser liber vater, obir den sich Got gnedelich irbarme, mit desem brife nicht gehoet noch genidert werden, sundir in allerweize vnd kraft bleiben, alz her lautet. Aller der sachen czu bestetekeit habe wir vnser segel an desen brif lasen hengen. Czu groeser sicherkeit vnd bekentenus haben wir obgeschreben edelen her- ren hern Jan vom Ralsko, hern czu Wartemberg, vnsern liben vetter, vnd di erbaren Yordanen von Hugwicz genant Ptaczek, vnser haupman czu Tetschen, Jan gnant Widona von Skoroticz czu Selnicz vnd Lorencz Vincze czu Libenwerde gesessen,