LISTINY Z DOBY PŘEDHUSITSKÉ A HUSITSKÝCH VÁLEK 341 vorsichtigenn männern unnserenn bürgern Zur Kemnitz denn zoll daselbst, der hir- nach geschrieben stehet, alss da ist die brawpfanne mit der badtstuben unndt mit ann- dernn gewöhnnlichenn zöllenn vnndt wir haben sie ihnenn gegeben, vnnsernn getrawenn vnndt liebenn bürgernn, umb siebenntzigk schock groschenn, welchs geldt sie vnns gegebenn habenn vnnd gegeldenn ganntz vnd gar, zu einer ewigenn messe daselbst zur Kemnitz zu dem altar des heyligenn sanct Peters. Welche zölle die vorge- nanndten bürger nehmenn söllenn vonn einem jetzlichenn gebraw biss zweene weisse groschenn, vnnd vom scheffel saltz einn achtel saltz, vnndt vonn der badtstubenn einn schock groschenn, vnndt wenn marckt ist daselbs, vonn einem jetzlichem krahmer ein heller, vnnd vonn ietzlichem schuster einn heller. Vnnd ob jemanndt führennde wür- de seinn pferde, kühe oder schweine, vonn ietzlichenn soll mann gebenn zweene hel- ler, vnnd vonn dreyenn scheffelnn hoppen einn hellerr, vnndt vonn altenn schaffenn vonn ietzlichem schaffe einn heller, vnndt vonn hundert jungen lemmern soll mann gebenn fünf groschenn. Vnnd leutte vonn fremder herrenn gütter, die da führennde seinndt tuch, gewanndt, die sollenn gebenn vonn ietzlichem tuch gewanndt zweene heller, vnndt vonn ietzlichem steinn wolle zweene hellerr. Vnndt ob jemanndt führenn- de würde seinn haussraht, alss kistenn, gerathe oder bettgewanndt, vonn demselbenn soll mann gebenn fünf groschenn, vnndt ob jemanndt würde bier führennde seinn, vonn einem jetzlichenn viertl biers sechs heller, vnndt vonn ietzlichem viertl weinn sechs hellerr, vnndt vonn ietzlichem viertl möhte sechs hellerr daselbst zur Kemnitz. Vnndt vonn demselbigenn zoll die vorgenandten bürger zur Kemnitz sollenn gebenn dem altar herrenn daselbst jahrlichenn siebenn schock groschenn vnndt das getheylt inn zwey theyl, zu sanct Geörgenn tagk vierdehalb schock groschenn vnndt zu sanct Galli tagk vierdehalb schok groschenn. Vnndt von dem andernn vberlauff des geldes sollenn sie bessernn die badestube vnndt die brewpfanne. Vnndt alles, das obenn ge- schriebenn stehet, gelobenn wir Jan vonn Michelspergk mit gantzen trawenn, mit vnnsern erben vnd nachkömlinngen ewiglich zu halten, denn vorgeschriebenenn bür- gernn zu Kemnitz. Vnndt ob jemandt vnnsere vorgeschriebene puncte articel breche, das sey er thuende wider seinn gewissennschafft vnd wider seinn eher. Vnndt dass zu einer grossenn sicherheitt vnd vorsichtigkeit habenn wir Jan vonn Michelsbergk vonn unserm guttenn willen vnndt mit rahte vnnserer getrawenn vnnser eigenn sigill ann diesenn gegenwertigenn brieff lassenn henngenn, der da gegebenn ist nach Christi gebuhrt M.CCC. vnndt darnach im vier unndt neuntzigistem jahre, am tage des hey- ligenn sanct Vincentii. Překlad českokamenického písaře Mathiase Zeibiga zpoč. 17. stol., něm. (A): SOkA Děčín, fond Archiv města Ceská Kamenice, inv. č. 51, Copyen von der stad Beheimischenn Kemnitz und derselbenn herrschaft, pag. II-13. Uveden slovy: Diser begnadung original ist inn lateinischerr