Editio: Acta correctoria a. 1408 75 Catherina alias Katrusse, nata Margarethe de domo Durffund Nove civitatis Pra- gensis, iurata ad sancta Dei ewangelia et interrogata, utrum dominus Sigismundus supra- scriptus ipsam carnaliter cognovisset. Respondit, quod sic. Interrogata, utrum tamquam virginem vel mulierem corruptam. Respondit, quod tamquam virginem. Interrogata, quomodo et qualiter ipsam ad hoc induxisset. Respondit, quod sepius venit in predictum hospicium Dorfund et ibi multa ipsi promisit inpendere, quod adhiberet sibi voluntatem luxuriandi et eciam quedam mulier dicta Kaczka ad instanciam dicti domini Sigismundi sepius ipsam visitavit, quod premissa faceret. Interrogata, utrum ipse coniacuisset ipsam in habitacione sua vel ad ipsum sola venisset. Respondit, quod: „Ipse venit ad hospicium ipsius ad sanctum Leonardum in foro Pullorum et ibi duxit me per pontem Pragensem in Minorem civitatem Pragensem in hospicium suum, videlicet in domum quandam Gydasskonis et ibi mecum iacuit per integram noctem." Interrogata, quociens ipsa nocte cognovisset ipsam carnaliter. Respondit, quod ter. Interrogata, utrum pluribus noctibus cum ipso" iacuisset. Respondit, quod sic. Interrogata ! utrum aliquibus festivitatibus vel sabbatis aut dominicis diebus ipsam cognovisset. Respondit, quod sic. Interrogata, quibus diebus. Respondit, quod sabbatis diebus, in die tantum. Interrogata, utrum sciens ipsam votum contraxisse cum Gunthero accubuisset ipsi. Respondit, quod sic. Interrogata, utrum voluisset ipsam educere de Praga. Respondit, quod sic et: „Interim ipse Guntherus me recepit et ipse dominus Sigismundus evaginato cultello irruit in ipsum et vulnerasset ipsum, si quidam armigeri presentes non interfuissent.“ Interrogata, utrum promisisset sibi aliqua munera. Respondit, quod „Tunicam griseam, quam viceversa michi recepit, et duas sexagenas grossorum cum hac.“ Interrogata, utrum ipse contulisset sibi, quod cum dicto Kungtero divorciaretur. Respondit, quod sic. Interrogata premissa, de quibus ipsa deposuit, fuissent vera. Respondit, quod sunt vera de hiis, de quibus ipsa deposuit. XXXVII fol. 44r 145a Sigismundus, presbyter de Praga Die dominica proxima ante festum sancti Petri, que erat dies XVIII !!] mensis Februarii, hora completorii in stuba supra carceres honorabilis vir dominus Hersso, corrector cleri diocesis Pragensis, de mandato domini Sbinconis, archiepiscopi Pragensis, mandavit suprascriptum dominum Sigismundum de carceribus seu penitencia carcellali ad sui presenciam emitti, qui propter prescripta fuerit captivatus, quod per unum integrum [annum] se coram dicto domino Hlerssone] correctore vel successore suo quater in anno statuat, videlicet in quolibet quatuortemporum semel, et cum dicta Katherina alias Katrusse nullos actus exerceat nec in habitacionem suam incedat nec ei loquatur directe vel sinistre, sed semper sit ipsius in omnibus liber nec loca suspecta visitet et suspectis non adhereat. In casu vero, si dictus Sigismundus curiam Romanam vel alias provincias vellet gressus facere, quod ante viam se coram dicto domino Hlerssone] correctore vel successore suo statuat et licencia ipsius prehabita gressus faciat, quocumque vult. Item