798 Emler, Regesta Bohemiae Pilzna mandant, ut fr. Hertnidum in possessionem ecclesiae in Noua Pilzna inducant. — "Quia nobis facta fuit plena fides a parte appellante de diffinitiua sentencia lata contra fratrem Hert- nidum per reuerendos viros et dominos prepositum et scolasticum ecclesie Pragensis et de ap- pellacione interposita per partem eandem a dicta sentencia diffinitiua et de innouatis et attem- ptatis post dictam appellacionem, propter quod ad peticionem magistri Henrici, procuratoris religiosorum virorum commendatoris et fratrum domus Theutunice b. Marie Jerosolimitane et fratris Hertnidi ordinis eiusdem omnia et singula innouata et attemptata post eandem appella- cionem per quoscumque presentibus reuocamus et primo institucionem, qua dominus Zacharias fuit institutus per executores eius, vt dicitur, in ecclesia parrochiali opidi Noue Pilzne et amo- cionem fratris Hertnidi ab eadem restituentes eundem fratrem Hertnidum ad ipsam ecclesiam in Noua Pilzna, reintegrantes ipsum ad eam cum omnibus iuribus et pertinenciis suis et ad fructus perceptos et qui percipi poterant et ad litis expensas, quarum expensarum et quorum fructuum taxacionem nobis in posterum reseruamus. Item quia constitit nobis per sepedictos execu- tores reuerendo in Christo patri domino Johanni, Pragensi episcopo, post dictam appellacionem mandauisse, vt ciuibus ciuitatis in Noua Pilzna mandaret, vt sepe fatum Zachariam in rectorem eiusdem ecclesie reciperent et ipsum pro plebano legittimo haberent ac eidem per omnia vt vero plebano obedirent, item quia constitit nobis dominum Sebastianum procuratorem dicti Zacharie super hospitali in Pilzna, quod pertinet ad ecclesiam in Noua Pilzna, coram hono- rabili viro domino Boutha, officiali curie Pragensis, libellum oblatum in iudicio et alias pro- cessum appellacione coram nobis pendente, igitur omnia et singula premissa attemptata tenore presencium reuocamus. Acta sunt hec a. d. MCCCXXXIII, in crastino Omnium sanctorum presentibus — — magistro Arnoldo, canonico Misnensis, d. Henrico et d. Nicolao, officiali pre- positure ecclesie Budisinensis, canonicis ecclesie eiusdem, et religioso viro fratre Petro ordinis Minorum in Budisin dicto Papkeze et Theodorico, scriptore domini Hermanni, prepositi Budi- sinensis, et aliis quam pluribus fide dignis ad premissa specialiter vocatis et rogatis. Et quia nos propter loci distanciam nostram interlocutoriam antedictam per nos exequi non valemus, vobis et cuilibet vestrum in solidum committimus et mandamus, quatenus infra sex dies, quorum duos pro primo, alios duos pro secundo, et alios tercios pro tercio et peremptorio termino et canonica monicione eciam premissa vobis assignamus, a recepcione presencium pre- dictum fratrem Hertnidum in possessionem sepedicte ecclesie in Noua Pilzna aut procura- torem ipsius eius nomine per vos, alium vel alios mittatis et inducatis inductumque pro viribus defendatis, reuocantes et denunciantes omnes processus et sentencias excommunica- cionum in quascumque personas per honorabiles viros Dirslaum prepositum et Predborium scolasticum Pragensis ecclesie post sentenciam, vt dicitur, per eosdem latam et latos et spe- cialiter contra commendatorem et fratres, fratrem Hertnidum predictos et fratrem Ditlinum, plebanum sancti Benedicti in Praga, factos non valere, vbi et quando vobis videbitur expedire, ipsosque per nos fore reuocatos. Mandamus insuper vobis in virtute sancte obediencie et sub pena excommunicacionis, quam ex nunc in vos et quemlibet vestrum canonica premissa mo- nicione antedicta in hiis scriptis proferimus, si mandatum nostrum ymmo verius apostolicum supra et infra positum renueritis adinplere, quatenus dictis dominis Dirslao preposito et Pred-