Emler, Regesta Bohemiae 246 trium terminorum in expensis condempnari. Et ibidem Frenczlinus, judex civitatis Pragensis, ex parte parochianorum praedictorum cum quadam litera tamquam syndicus comprauit, cujus tenor talis est: In nomine domini Amen. Noverint — aliis pluribus fide dignis (v. lit. Pragae 1320, 7 Mai, Reg. Boh. III, pag. 239 n. 575), et petivit a judice sibi terminum pro quaerendo advocato assignari, dicens se non posse habere advocatum in civitate Pragensi nec in regno Boemiae, et hanc petitionem obtulit sub hac forma: Coram vobis honorabili viro Gallo, archidiacono Gradicensi, qui vos dicitis judicem a sede apostolica subdelegatum, ego Franciscus, judex Maioris civitatis Pragensis, syndicus et procurator honestorum virorum Con- radi Pleyer, Jacobi Frenclini, Conradi de Lapide, Hiltprandi Czwiflingerii, Guntheri de Kutna, Ottonis Figoleiz, Henrici Negel, Fridlini Bawari, Nicolai Rotinne, Nicolai Stetlicz, Hermanni Glas et Johannis Jacobi cum fratre nec non totius universitatis plebezanorum sanctae Mariae circa Laetam curiam, patronorum ipsius ecclesiae, civium Pragensium, propono et dico no- mine procuratorio, quod cum nuper cum diligentia majori, qua poteram, advocatum quae- sierim, quem hic in toto regno propter favorem, quem quasi omnes clerici ad honorabilem virum dominum Dirzislaum, decanum ecclesiae Wissegradensis, habent, vel quia sunt prae- bendati aut electi canonici ipsius ecclesiae, vel ipsi decano nimis faventes existant, habere non potuerim, et tam in brevi termino, quem michi assignastis ad quaerendum advocatum ipsum de aliis terris propter malum statum regni et viarum discrimina, licet diligenter la- boraverim, invenire tamen eum et adducere hactenus commode non potuerim, quare peto nomine quo supra, ut michi alium terminum assignare velitis, in quo possim advocatum acquirere, meae defensioni competentem. Dominus autem decanus coram judice protestatus est, hoc non esse verum, sed eum malitiose hoc dixisse, et ibidem nominavit sibi tres advo- catos, magistrum Gregorium, decanum s. Egidii, Johannem Paduanum, Hylprandum, pleba- num de Prossiek, et alios plures posse inveniri, si bene salariarentur, et petivit copiam literae syndicatus et terminum ad deliberandum super ea; judexque super praedictis omnibus sextam feriam proximam hora tertia pro termino assignavit et ad eundem terminum condem- pnationem expensarum petitam per dominum decanum propter contumaciam plebezanorum praedictorum reservavit. Quo termino veniente dominus judex ad petitionem partium pro- ximam sextam [feriam] pro termino assignavit partibus praedictis in loco praedicto et ad horam supradictam ad id faciendum, ad quod praesens terminus fuerat assignatus. Quo termino veniente dominus decanus Wissegradensis petitionem in scriptis coram domino judice obtulit sub hac forma: Coram vobis honorabili viro domino Gallo, judice meo, ego Dirslaus, decanus Wissegradensis ecclesiae, propono et dico, quod non est sufficiens litera syndicatus, quia non datur syndico, qui constituitur per parochiales s. Mariae, in ipsa potestas agendi, cum tamen mandatum fuerit per vos, ut per sufficientem syndicum coram vobis comparerent, ut ex actis apparet, et ideo non valet. Praeterea per tale mandatum, quale datur in litera syndico, non habet potestatem syndicus libellum sibi oblatum recipiendi, et sic cum eo judicium, quod fieret, non valeret, unde non est sufficiens. Item in sua constitutione non est clausula de judicato solvendo, quae debet esse in constitutione procuratoris rei maximae. Item cum non habeat speciale mandatum ad praestandum juramentum calumpniae, non valet. Item non